សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ យុវជន២នាក់បានរងរបួសធ្ងន់ម្នាក់ជើងទាំងសងខាង ម្នាក់ទៀតបានរងរបួសស្រាល
ក្នុងករណីគ្រោះថ្នាក់មួយបង្កឡើងដោយសារម៉ូតូទាំង២គ្រឿងបើកបរល្បឿនលឿនបុកគ្នា មិនគោរ
ពច្បាប់ចរាចរណ៍ ។
ហេតុការណ៍នេះបានកើតឡើងនៅកាលពីវេលាម៉ោង២២និង៥០ នាទី ថ្ងៃព្រហស្បតិ៍ ៦រោច ខែទុតិយាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២ ខែសីហា ឆ្នាំ២០១៨ នៅត្រង់ចំណុចផ្លូវគ្រួសក្នុង ភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន បណ្តាលឲ្យមនុស្ស២នាក់ រងរបួសធ្ងន់ និងស្រាល និងខូចខាត់ម៉ូតូ២គ្រឿង ។
បើតាមនគរបាលចរាចរណ៍ផ្លូវគោកនៃស្នងការខេត្តប៉ៃលិនឲ្យដឹងថា៖ ជនរងគ្រោះ ឈ្មោះ ឆប តុលតុង ភេទប្រុស អាយុ២០ឆ្នាំ មុខរបរកសិករ ជនជាតិខ្មែរ សញ្ជាតិខ្មែរ រស់នៅភូមិបរតាំងស៊ូ សង្កាត់បរយ៉ាខា ក្រុងប៉ៃលិន ខេត្តប៉ៃលិន របួសស្រាល ត្រូវបានក្រុមគ្រួសារយកទៅព្យាបាលនៅមន្ទីរពេទ្យបង្អែកខេត្តប៉ៃលិន បើកបរម៉ូតូម៉ាក HONDA Dream ឆ្នាំ២០១៨ គ្មានស្លាកលេខ រងការខូចខាត់ធ្ងន់ និងឈ្មោះ ឆន វឌ្ឍនា ភេទប្រុស អាយុ២១ឆ្នាំ ជនជាតិខ្មែរ សញ្ជាតិខ្មែរ មុខរបរ នគរបាល រស់នៅភូមិប៉ាហីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន របួសធ្ងន់ ត្រូវបញ្ជូនទៅព្យាបាលនៅប្រទេសថៃ បើកបរម៉ូតូម៉ាក HONDA Dream ឆ្នាំ២០១៤ ពាក់ស្លាកលេខ បាត់ដំបង 1Q-7758 ខូចខាតធ្ងន់ ។
សមត្ថកិច្ចឲ្យដឹងថា ករណីខាងលើបណ្តាលមកពីកត្តាមនុស្សខ្វះការប្រុងប្រយ័ត្នបើកបរលើសល្បឿនដែលបានកំណត់ ។
បច្ចុប្បន្នវត្ថុតាងត្រូវកម្លាំងជំនាញការិយាល័យចរាចរណ៍ផ្លូវគោកយកទៅរក្សាទុកនៅ ស្នងការដ្ឋាននគរបាលខេត្ដប៉ៃលិនដើម្បីរង់ចាំដោះស្រាយពេលក្រោយ ៕ ស សារ៉េត
