ក្មេងស្ទាវ២ក្រុមទាញដាវដេញកាប់គ្នាផ្អើលឋានសមត្ថកិច្ច

ខេត្តកំពង់ធំ៖ ក្មេងស្ទាវ២ក្រុមបង្កទំនាស់ទាញដាវដេញកាប់គ្នានៅលើកំណាត់ផ្លូវជាតិលេខ 6A បង្កឲ្យមានការភ្ញាក់ផ្អើល កាលពីវេលាម៉ោង១១និង៣០នាទីព្រឹក ថ្ងៃទី២៩ ខែកញ្ញា ឆ្នាំ ២០១៨ ស្ថិតនៅ ភូមិ ត្រើយម្យាប ឃុំប្រាសាទ ស្រុកសន្ទុក ខេត្តកំពង់ធំ ។

សមត្ថកិច្ចបានឲ្យដឹងថា ក្រុមក្មេងស្ទាវមាន២ក្រុម គឺ១ក្រុម នៅឃុំតាំងក្រសាំង មានគ្នា២នាក់ ឈ្មោះ ឡាច ពីទូ ភេទប្រុស អាយុ១៩ឆ្នាំ រស់នៅភូមិ តាំងក្រសាំង ឃុំតាំងក្រសាំង ត្រូវបានឃាត់ខ្លួន និងឈ្មោះ គេហៅថា អាកាញ៉ាញ់ បានរត់គេចខ្លួន ។ ចំណែក១ក្រុមទៀត នៅឃុំកំពង់ថ្មមានគ្នា៧នាក់ ម៉ូតូ៤គ្រឿង កំពុងតែរត់គេចខ្លួន មិនទាន់ស្គាល់អត្តសញ្ញាណនោះទេ ។

បច្ចុប្បន្នសមត្ថកិច្ចបាននាំខ្លួនឈ្មោះ ឡាច ពីទូពី មកកាន់អធិការដ្ឋាននគរបាល ស្រុកសន្ទុក ដើម្បីសូរនាំ និងបើកការស្រាវជ្រាវតាមចាប់ខ្លួនអ្នករត់គេចខ្លួន ៕ ប៊ុនរិទ្ធី