សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ក្មេងប្រុស២នាក់ បានលង់ទឹកស្លាប់ កាលពីវេលាម៉ោង១៥និង៤០នាទី នៅថ្ងៃទី០១ ខែតុលា ឆ្នាំ២០១៨ នៅចំណុចទឹកស្រះខាងក្រោយផ្ទះ ចំងាយប្រហែល ១៣៥ម៉ែត ភូមិពុកយុក សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។
សមត្ថកិច្ចឲ្យដឹងថា ក្មេងរងគ្រោះ ទី១ ឈ្មោះ ញឹម ដែន ភេទប្រុស អាយុ ១៣ឆ្នាំ ឪពុកឈ្មោះ រ៉ាត់ លែងលះ ម្តាយឈ្មោះ ញឹម រឿន ទៅរកស៊ីប្រទេសថៃ សព្វថ្ងៃ ក្មេងរងគ្រោះរស់នៅជាមួយជីដូន ទី២-ឈ្មោះ សាក់ វិច្ឆិការ ហៅ ចាវ ភេទប្រុស អាយុ ១៤ឆ្នាំ ឪពុកឈ្មោះ សាក់ ចាន់ ម្តាយឈ្មោះ វង្ស នី ក្មេងប្រុសទាំង០២ខាងលើ រស់នៅភូមិពុកយុក សង្កាត់ ស្រយ៉ូវ ក្រុងស្ទឹងសែន ខេត្តកំពង់ធំ ជាមួយគ្នា ។
មូលហេតុនាំគ្នាទៅងូតទឹកស្រះលេង ហើយលង់ស្លាប់តែម្តង។
សមត្ថកិច្ចបានឲ្យដឹងថា ក្រោយពីទទួលបានព័ត៌មាន កម្លាំងជំនាញនគរបាលស្រុក និងកម្លាំងប៉ុស្តិ៍សហការជាមួយរដ្ឋអំណាចមូលដ្ឋាន ចុះពិនិត្យធ្វើកោសល្យវិច័យ ដោយពុំឃើញមានស្លាកស្នាមអ្វីពាក់ព័ន្ធនឹងអំពើឃាតកម្មនោះទេ រួចសន្និដ្ឋានថា ក្មេងរងគ្រោះទាំ២នាក់ ពិតជាស្លាប់ដោយលង់ទឹកពិតមែន រួចក៏ប្រគល់សាកសពជូនក្រុមគ្រួសារធ្វើបុណ្យតាមប្រពៃណី ៕ ប៊ុនរិទ្ធី
