សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ស្រុកព្រៃនប់នៅវេលាម៉ោង ១៣និង១០នាទី ថ្ងៃទី១ ខែតុលា ឆ្នាំ២០១៨ មានករណីគ្រោះថ្នាក់ចរាចរណ៍១កើតឡើងលើផ្លូវជាតិលេខ៣ ចន្លោះគីឡូម៉ែត្រ ១៩៣-១៩៤ ស្ថិតនៅក្នុងភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ បង្កដោយខ្លួនឯង រថយន្ត១គ្រឿងម៉ាក CAMRY បាឡែន ពណ៌ ស្ករ ពាក់ស្លាកលេខ ភ្នំពេញ ២A-២៨២២ អ្នកបើកបរ មិនមិនស្គាល់អត្តសញ្ញាណ(គេចខ្លួន) ទិសដៅពីវាលរេញទៅកំពត លុះដល់ចំណុចខាងលើក៏រេចង្កូតធ្លាក់ប្រឡាយទឹកតែម្ដង ។
សមត្ថកិច្ចបញ្ជាក់ថា គ្រោះថ្នាក់នេះបណ្ដាលឲ្យ៖ ស្លាប់មនុស្សចំនួន ០២នាក់នៅនឹងកន្លែង ១.ឈ្មោះ សូ ធិន ភេទប្រុស អាយុ ៥០ឆ្នាំ មានទីលំនៅ ភូមិ ដានគោ ឃុំដានគោស្រុកអង្គរជ័យ ខេត្តកំពត ២.ឈ្មោះ យន់ តី ភេទប្រុស អាយុឆ្នាំ មានទីលំនៅដូចគ្នា ។
រីឯអ្នករងរបួស ចំនួន០៤នាក់ បានបញ្ជូនទៅសង្គ្រោះនៅគ្លីនិកឯកជនវាលរេញ ១.ឈ្មោះ ធូ នុន ភេទស្រី អាយុ ៥០ឆ្នាំ មានទីលំនៅ ភូមិ៣ សង្កត់៣ ក្រុង/ខេត្តព្រះសីហនុ ២ ឈ្មោះ ទឹម បូរី ភេទស្រី អាយុ៤ឆ្នាំ មានទីលំនៅភូមិ៣ សង្កាត់លេខ៣ ក្រុង/ខេត្តព្រះសីហនុ, ៣ឈ្មោះ ធូ និក ភេទស្រី អាយុ៥០ឆ្នាំ មានទីលំនៅភូមិដានគោ ឃុំដានគោ ស្រុកអង្គរជ័យ ខេត្តកំពត និង៤ឈ្មោះ អ៊ុក ផាន ភេទស្រី អាយុ៤៨ឆ្នាំ មានទីលំនៅភូមិដានគោ ឃុំដានគោ ស្រុកអង្គរជ័យ ខេត្តកំពត ។
បច្ចុប្បន្ន វត្ថុតាង រថយន្ត១គ្រឿង សមត្ថកិច្ចជំនាញយក មករក្សាទុកនៅអធិការដ្ឋាននគរបាលស្រុកព្រៃនប់ ៕ ឆ្លាម សមុទ្រ
