សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ គ្រោះថ្នាក់ចរាចរណ៍មួយកើតឡើងនៅលើផ្លូវជាតិលេខ៤ ចន្លោះបង្គោលគីឡូម៉ែត្រ១៦៣.១៦៤ ស្ថិតនៅភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ រវាងរថយន្ត នឹងម៉ូតូ ដែលមានទិសដៅបញ្ច្រាសគ្នានៅវេលាម៉ោង១២និង៣០នាទី ថ្ងៃទី៤ ខែតុលា ឆ្នាំ២០១៨ បណ្តាលឲ្យអ្នកជិះម៉ូតូរបួសធ្ងន់ធ្ងរ ។
បើតាមរបាយការណ៍ពីសមត្ថកិច្ចឲ្យដឹងថា រថយន្តឡិចស៊ីស៣៣០ ពណ៌ស ពាក់ស្លាកលេខ ភ្នំពេញ 2AS-75 84 បើកបរដោយឈ្មោះ ឡាំ លីហួ ភេទប្រុស អាយុ ១៩ឆ្នាំ មុខរបរបើកបរ មានទីលំនៅ សង្កាត់ដង្កោ ខណ្ឌដង្កោ រាជធានីភ្នំពេញ ក្នុងទិសដៅពីភ្នំពេញទៅខេត្តព្រះសីហនុ ។
លុះមកដល់ចំណុចខាងលើ ក៏បានបុកម៉ូតូ ម៉ាកសេ ១២៥ ពណ៌ខ្មៅ ស៊េរី ២០០៧ ពាក់ស្លាក លេខ ព្រះសីហនុ 1B -32 60 បើកបរដោយឈ្មោះ ខាន់ ថេង ភេទប្រុស អាយុ៥១ឆ្នាំ មានទីលំនៅភូមិកែវផុស ឃុំ កែវផុស ស្រុកស្ទឹងហាវ ខេត្តព្រះសីហនុ ចំពេលដែលភាគីខាងម៉ូតូបត់ឆ្វេងឆ្លងផ្លូវ បណ្ដាលឲ្យអ្នកបើកបរម៉ូតូរងរបួសធ្ងន់ ។
បច្ចុប្បន្នជនរងគ្រោះ ត្រូវបានបងប្អូនបញ្ជូនទៅមន្ទីរពេទ្យឯកជនតានៃ ចំណែករថយន្ត និងម៉ូតូ សមត្ថកិច្ចនាំយកមករក្សាទុកនៅប៉ុស្តិ៍នគរបាលរដ្ឋបាលឃុំតានៃ រង់ចាំការដោះស្រាយបន្ត ៕ ឆ្លាម សមុទ្រ
