ជនជាតិថៃម្នាក់គាំងបេះដូងស្លាប់ក្នុងផ្ទះសំណាក់ ខណៈឆ្លងដែនចូលមកលេងល្បែងស៊ីសងនៅកាស៊ីណូ​

ខេត្តប៉ៃលិន៖ បុរសជនជាតិថៃ​ម្នាក់​ត្រូវគេប្រទះឃើញស្លាប់​នៅក្នុងបន្ទប់នៃផ្ទះសំណាក់​ដោយសារគាំងបេះដូង ខណៈដែលបុរសរូបនេះ​បានឆ្លងដែន​ពីប្រទេសថៃ​មកទឹកដីខេត្តប៉ៃលិន​លេងល្បែងស៊ីសង​នៅក្នុងកាស៊ីណូ ។

ហេតុការណ៍ខាងលើ​បង្កការភ្ញាក់ផ្អើល​កាលពីវេលាម៉ោង ១២ ថ្ងៃទី២ ខែវិច្ឆិកា ឆ្នាំ២០១៨ ស្ថិតនៅក្នុងផ្ទះសំណាក់ THE WIN’S HOUSE បន្ទប់លេខ ១០៥ ស្ថិតនៅភូមិផ្សារព្រំជើងឃុំ ស្ទឹងកាច់ ស្រុកសាលាក្រៅ ខេត្តប៉ៃលិន។

សមត្ថកិច្ចនគរបាលជំនាញ នៃស្នងការដ្ឋាននគរបាលបានឲ្យដឹងថា: បើតាមកាសន្និដ្ឋានរបស់ជំនាញកោសល្យវិច័យបញ្ជាក់ថា: ជនរងគ្រោះស្លាប់ដោយសារគាំងបេះដូង ។ ជនរងគ្រោះ ឈ្មោះ ហាយ ភេទ ប្រុស អាយុ៤២ឆ្នាំ ជាជនជាតិថៃ ។

កម្លាំងជំនាញធ្វើកំណត់ហេតុប្រគល់សាកសពជូនទៅសមត្ថកិច្ចថៃ ៕ ស សារ៉េត