ឃាត់ខ្លូនជនសង្ស័យ ជាជនជាតិចិន៥ នាក់ពាក់ព័ន្ធគ្រឿងញៀន​ច្រើនខ្លង

ខេត្តព្រះសីហនុ៖ នគរបាលប្រឆាំងគ្រឿងញៀនខេត្តព្រះសីហនុ បានចុះបង្ក្រាបគ្រឿងញៀន១ករណីសហការជាមួយកម្លាំងព្រហ្មទណ្ឌ កម្លាំងអន្តរាគមន៍ពិសេសកម្លាំងអធិការដ្ឋាននគរបាលក្រុង និងកម្លាំងប៉ុស្តិ៍រដ្ឋបាលសង្កាត់លេខ៣ កាលពីម៉ោង០១យប់រំលងអធ្រាត្រឆ្លងចូលថ្ងៃទី៦ ខែវិច្ឆិកា ឆ្នាំ២០១៨ ឃាត់ខ្លូនបានជនសង្ស័យជាជនជាតិចិនចំនួន៥ នាក់ប្រុស៤នាក់ ស្រីម្នាក់ នៅភូមិ៣សង្កាត់លេខ៣ ក្រុងព្រះសីហន។

នគរបាលបញ្ជាក់ថា ជនសង្ស័យ រួមមាន ទី១.ឈ្មោះ Liu.Chang Xin ភេទប្រុស អាយុ២០ឆ្នាំ ជនជាតិចិន។

ទី២.ឈ្មោះ Liang Perng ភេទប្រុស អាយុ៤០ឆ្នាំ ជនជាតិចិន ។

ទី៣.ឈ្មោះ Chen WenJian ភេទប្រុស អាយុ២០ឆ្នាំ ជនជាតិចិន។

ទី៤.ឈ្មោះ Huang Xiongyuan ភេទប្រុស អាយុ៣៨ឆ្នាំ ជនជាតិចិន។

ទី៥.ឈ្មោះ Chen yudan ភេទស្រី អាយុ២២ឆ្នាំ ជនជាតិចិន ។

វត្ថុតាងដកហូតបានរួមមាន ម្សៅក្រោមពណ៌សថ្លាសង្ស័យជាសារធាតុញៀនចំនួន២៦ ខ្លង និងកញ្ចាប់ធំ១កញ្ចប់ ទូរស័ព្ទ៣គ្រឿង រថយន្ត១ គ្រឿង និងសម្ភារៈពាក់ពន្ធ័មួយចំនួនទៀត។

ជនសង្ស័យ និងវត្ថុតាង នគរបាលនឹងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់ ៕ ឆ្លាម សមុទ្រ