សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មានករណីគ្រោះថ្នាក់ចរាចរណ៍មួយ កើតឡើងរវាងរថយន្ត និងរថយន្តបណ្តាលឲ្យខូចខាតទាំងសងខាង និងបង្កឲ្យមានការភ្ញាក់ផ្អើលដល់អ្នកធ្វើដំណើរតាមផ្លូវចោមមើល ។
ហេតុការណ៍គ្រោះថ្នាក់ ចរាចរណ៍ខាងលើ បានកើតឡើងកាលពីថ្ងៃទី១៤ ខែវិច្ឆិកា ឆ្នាំ២០១៨ វេលាម៉ោង១០ និង៤០នាទីត្រង់ចំណុចមុខវត្តអង្គក្រពើលើផ្លូវទំនប់កប់ស្រូវភូមិត្រពាំងវែង សង្កាត់គោករកា ខណ្ឌព្រែកព្នៅ ។
យោងតាមរបាយករណ៍នគរបាលចរាចរបានឲ្យដឹងថា នៅមុនពេលកើតហេតុ គេបានឃើញរថយន្តមួយគ្រឿងម៉ាក HYUNDAI ពណ៌ស ពាក់ស្លាកលេខភ្នំពេញ3A-9724ធ្វើដំណើរ លើផ្លូវទំនប់កប់ស្រូវក្នុង ទិសដៅពីលិចទៅកើត បើកបរដោយឈ្មោះ រិត រៀជ ភេទប្រុស អាយុ២៤ឆ្នាំ ស្នាក់នៅភូមិទឹកឫស្សី ឃុំមានជ័យ ស្រុកឧត្តុង្គ ខេត្តកំពង់ស្ពឺ លុះមកដល់កន្លែងកើតហេតុ ក៏បានរេចង្កូតមកបុកជាមួយរថយន្តមួយគ្រឿងម៉ាក MECERDEZ ពណ៌ទឹកមាស ពាក់ស្លាកលេខ ភ្នំពេញ 2R-6704ធ្វើដំណើរ ក្នុងទិសដៅពីត្បូងទៅជើង (ទិសដៅច្រាស់គ្នាឈប់ដើម្បីឆ្លងផ្លូវ) បើកបរដោយឈ្មោះ ស៊ឹម សុផង់ ភេទប្រុស អាយុ៤៥ឆ្នាំ ស្នាក់នៅភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
យោងតាមប្រភពពីសមត្ថកិច្ចបានឲ្យដឹងទៀតថា គ្រោះថ្នាក់ចរាចរណ៍ខាងលើបណ្តាលមកពីរថយន្ត HYUNDAI ពណ៌សពាក់ស្លាកលេខ ភ្នំពេញ 3A-9724 បើកបរលឿនខ្វះការ ប្រុងប្រយ័ត្នទើបបង្កឲ្យមានគ្រោះថ្នាក់បែបនេះកើតឡើងបាន ។
ក្រោយពេលកើតហេតុ កម្លាំងនគរបាលប៉ុស្តិ៍រដ្ឋបាលសង្កាត់គោករកា បានចុះទៅដល់កន្លែងកើតហេតុដើម្បីជាយសម្រួលចរាចរណ៍ និងប្រគល់ការងារបន្តទៅឲ្យនគរបានចរាចរណ៍ផ្លូវគោកវាស់វែងយករថយន្តដាក់ទៅកៀន ដើម្បីសម្របសម្រួលគ្នាសងថ្លៃខូចខាត នៅកន្លែងកើតហេតុផងដែរ ៕ ចាន់ធឿន
