របួសធ្ងន់ស្រាល៣នាក់ ករណីគ្រោះថ្នាក់ចរាចរណ៍​នៅដងផ្លូវជាតិលេខ៤ ស្រុកព្រៃនប់

ខេត្តព្រះសីហនុ៖ វេលាម៉ោង៨និង៣០នាទី ថ្ងៃទី០១ ខែធ្នូ ឆ្នាំ២០១៨ មានករណី គ្រោះថ្នាក់ចរាចរណ៍០១កើតឡើង លើដងផ្លូវជាតិលេខ៤ចន្លោះគីឡូ១៩៦.១៩៧ ស្ថិតក្នុងភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ រវាងម៉ូតូ០១គ្រឿង ម៉ាកហុងដា សេ១២៥ ពណ៌ខ្មៅ ពាក់ស្លាកលេខ ព្រះសីហនុ ១G ៥៦៤០ បើកបរដោយឈ្មោះ មាស ស័ក ភេទប្រុស អាយុ៧០ឆ្នាំ មុខរបរ រត់ម៉ូតូឌុប មានទីលំនៅភូមិបត់សិរមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ ទិសដៅ (ភ្នំពេញ-ក្រុងព្រះសីហនុ) មកដល់ចំណុចខាងលើ ម៉ូតូបានបត់ឆ្វេង ក៏ប៉ះម៉ូតូ១គ្រឿងទៀតបើកបរក្នុងទិសដៅពីផ្លូវលំឡើងផ្លូវជាតិ ម៉ាក PCX ពណ៌ទឹកប្រាក់គ្មានស្លាក បើកបរដោយឈ្មោះ អ៊ុក ថន ភេទប្រុស អាយុ៣០ឆ្នាំ មានទីលំនៅ ភូមិព្រៃនប់១ ឃុំព្រៃនប់ ស្រុកព្រៃនប់ ខេត្តព្រះសីហនុ បណ្តាលឲ្យ រងរបួសចំនួន៣នាក់ ។

សមត្ថកិច្ចបញ្ជាក់ថា ជនរងរបួស ឈ្មោះ មាស ស័ក (ជាអ្នកបើកបរម៉ូតូសង់) រងរបួសធ្ងន់, ឈ្មោះ ហុឹម ចាន់ដា ភេទស្រីអាយុ៤៥ឆ្នាំ ជាអ្នករួមដំណើរពីក្រោយរងរបួសធ្ងន់ និងឈ្មោះ អ៊ុក ថន ជាអ្នកបើកបរម៉ូតូ PCX រងរបួសស្រាល ។

បច្ចុប្បន្នអ្នករបួសបញ្ជូនទៅព្យាបាលនៅព្យាបាលនៅមន្ទីរពេទ្យ វត្ថុតាងយកទៅរក្សាទុកនៅប៉ុស្តិ៍នគរបាលឃុំរង់ចាំដោះស្រាយនៅពេលក្រោយ ៕ ឆ្លាម សមុទ្រ