បុរសម្នាក់បើករថយន្ដបុកក្បាលនាគពុះចែកទ្រូងរងការខូចខាត

ភ្នំពេញ៖ បុរសម្នាក់ទំនងជាស្រវឹងស្រា បានបើករថយន្ដមកបុក និងក្បាលនាគពុះចែកទ្រូងបណ្ដាលឲ្យបាក់អស់មួយកង់ និងឯរថយន្តបង្ករងការខូចខាតដាច់កាឡេកង់មុខ ។

ករណីគ្រោះថ្នាក់ចរាចរណ៍នេះ បានកើតឡើយនៅវលោម៉ោង១១ និង១០នាទីយប់ ថ្ងៃទី២៧ ខែធ្នូ ២០១៨ ស្ថិតតាមបណ្ដោយផ្លូវ២៧១ ក្បែរមន្ទីពេទ្យលោកសង្ឃ (ព្រះកុសុមៈ) ស្ថិតក្នុងសង្កាត់ទឹកថ្លាទឹក ខណ្ឌសែនសុខ រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុ គេឃើញរថយន្ដមួយគ្រឿងម៉ាក កូរ៉ូឡា ពណ៌ទឹកប្រាក់ ពាក់ស្លាកលេខភ្នំពេញ2AB-8223 បើកបរដោយបុរសម្នាក់ទំនងជាស្រវឹងស្រា ធ្វើដំណើរទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតហេតុ ក៏រេចង្កូចមកបុក និងក្បាលនាគពុះចែកទ្រូងផ្លូវបណ្ដាលឲ្យបាក់អស់មួយកង់ ចំណែកឯរថយន្ដរងការខូចខាតដាច់កាឡេកង់មុខ តែមិនបង្កឲ្យមនុស្សរងរបួសនោះទេ ។

ក្រោយពេលកើតហេតុ សមត្ថកិច្ចមូលដ្ឋានបានចុះមកកន្លែងកើតហេតុ និងបានវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំម្ចាស់រថយន្ដចូលខ្លួនដោះស្រាយតាមផ្លូវច្បាប់៕ ភារ៉ា ដង្កោ