សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ បុរសម្នាក់បានរងរបួសបាក់ខ្មងជើងម្ខាង ដោយសារគ្រោះថ្នាក់ចរាចរណ៍ជិះម៉ូតូបុកគោយន្តដឹកឈើ នៅគ្រាដែលកំពុងធ្វើដំណើរច្រាស់ទិសគ្នា។
ហេតុការណ៍ខាងលើបានបង្កឡើងនៅវេលាម៉ោង៦ និង៤០នាទី ព្រលប់ថ្ទី១ ខែមករា ឆ្នាំ២០១៩ នៅលើកំណាត់ផ្លូវកៅស៊ូលេខ១៥៥ ត្រង់ចន្លោះបង្គោលគីឡូម៉ែត្រលេខ២៥.២៦ ស្ថិតក្នុងភូមិស្បូវរីក ឃុំលាច ស្រុកភ្នំក្រវាញ ខេត្តពោធិ៍សាត់។
ប្រភពព័ត៌មានពីផ្នែកសណ្ដាប់ធ្នាប់នៃអធិការដ្ខាននបានឲ្យដឹងថា មុនដំបូងគេឃញបុរស ២នាក់ធ្វើដំណើររួមគ្នា ដោយម៉ូតូ ១គ្រឿងម៉ាក វីវ៉ា សេ១២៥ ពណ៏ខ្មៅ ពាក់ស្លាកលេខ ពោធិសាត់ 1C 8012 ក្នុងទិសដៅពីត្បូងទៅជើង លុះមកដល់ចំណុចកើតហេតុបានរេចង្កូតទៅបុកគោយន្តកន្រ្តៃដឹកឈើ ដែលកំពុងធ្វើចរាចរណ៍ច្រាស់ទិសគ្នា បណ្ដាលឲ្យភាគ្គីខាងម៉ូតូរងរបួសធ្ងន់ស្រាល ចំណែកភាគ្គីខាងគោយន្តដឹកឈើមានរងរបួសនោះទេ។
ប្រភពព័ត៌មានខាងលើបន្តថា ភាគីខាងម៉ូតូរងរបួសធ្ងន់ឈ្មោះ ខៀវ គឿន ភេទប្រុស អាយុ ៤៩ឆ្នាំ ជនជាតិខ្មែរ បច្ចុប្បន្ន រស់នៅភូមិ.ឃុំលាច ស្រុកភ្នំក្រវាញ ខេត្តពោធិ៍សាត់ មុខរបរគ្រូបង្រៀន(បាក់ខ្មងជើងខាងស្លាំ) ក្រុមគ្រួសារបញ្ជូនទៅសង្រ្គោះនៅខេត្តបាត់ដំបង និងអ្នករួមដំណើរឈ្មោះ ជុក ភេទប្រុស រងរបួសស្រាល។
ប្រភពដដែលបន្តទៀតថា ជនរងរបួសភាគីម៉ូតូមិនពាក់មួកសុវត្ថិភាពទាំង ២នាក់ វត្ថុតាងម៉ូតូ និងគោយន្តកន្រ្តៃដឹកឈើ សមត្ថកិច្ចជំនាញចរាចរណ៍ផ្លូវគោកយកទៅរក្សាទុកជាបណ្ដោះអាសន្ន នៅផ្នែកសណ្ដាប់ធ្នាប់នៃអធិការដ្ឋាននគរបាលស្រុកភ្នំក្រវាញ រង់ចាំធ្វើការវាស់វែង និងដោះស្រាយគ្នជាក្រោយ៕ ប៉ឹម បិន
