សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគីរី៖ ម៉ូតូពីរគ្រឿងបុកគ្នា ពេញទំហឹងបណ្តាលឲ្យមនុស្ស០៥នាក់ រងរបួសធ្ងន់រដូករណែល កំពុងសង្គ្រោះបន្ទាន់ ។
ហេតុការណ៍នេះ បានកើតឡើងកាលពីថ្ងៃទី៥ ខែមករា ឆ្នាំ២០១៩ លើផ្លូវលំក្រាលក្រួសក្រហម ស្ថិតក្នុងភូមិសាយ៉ស់ ឃុំកាឡែង ស្រុកលំផាត់ ខេត្តរតនគិរីបើកបរបញ្ច្រាសទិសគ្នាពីលិចទៅកើត ។
ប្រភពពីសមត្ថកិច្ចបានឲ្យដឹងថា ជនសង្ស័យបង្ក ឈ្មោះ តិល បាង ភេទ ប្រុស អាយុ២០ឆ្នាំ ជនជាតិទំពួន មុខរបរ កសិករ មានទីលំនៅភូមិ ឃុំ កើតហេតុខាងលើ (របួសធ្ងន់) បើកបរម៉ូតូម៉ាកឆ្លាមពណ៌ផ្ទៃមេឃ ស្លាកលេខកំពង់ចាម១E៧៨៨១ ។
ប្រភពបន្តទៀតថា ជនរងគ្រោះ ឈ្មោះឆាយ សល់ ភេទប្រុស អាយុ២៤ឆ្នាំ ជនជាតិខ្មែរមុខរបរ កសិករ មានទីលំនៅភូមិ ឃុំកើតហេតុខាងលើ (របួសធ្ងន់)បើកបរម៉ូតូម៉ាក់ឆ្លាម ពណ៌ខ្មៅ គ្មានស្លាកលេខ ។
រួមដំណើរ០៣នាក់ទី១.ឈ្មោះក្រូត លីង ភេទស្រី អាយុ៣៨ឆ្នាំ ជនជាតិទំពួន របួសធ្ងន់ ។ ទី២.ឈ្មោះប្លាង ហេង ភេទស្រី អាយុ១៩ឆ្នាំ (របួសធ្ងន់) ។ ទី៣-ឈ្មោះវៀ យ៉ង ភេទស្រី អាយុ១ឆ្នាំ ជនជាតិទំពួន( របួសធ្ងន់) ។
ជុំវិញករណីនេះ មកពីម៉ូតូម៉ាក់ឆ្លាម ពណ៌ផ្ទៃមេឃ បើកបរលឿនពេលយប់មិនប្រកាន់ស្តាំ បណ្តាលឲ្យបុកជាមួយម៉ូតូរងគ្រោះ បើកមកពីទិសផ្ទុយគ្នា ។ អ្នករងរបួសត្រូវបានរថយន្តដឹកបញ្ជូនយកទៅសង្គ្រោះនៅមន្ទីរពេទ្យបង្អែកខេត្តរតគិរី ។
វត្ថុតាងម៉ូតូ២គ្រឿងបានដកហូតមករក្សាទុកនៅអធិការដ្ឋាន នគរបាលស្រុកលំផាត់រង់ចាំម្ចាស់ម៉ូតូភាគីទាំងសងខាងចូលខ្លួនដោះស្រាយតាមច្បាប់ ៕ ជីវន្ត័
