សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់ មនុស្សប្រុស ស្រី៧នាក់ បានរងរបួសធ្ងន់ ស្រាល ដោយសារកណីគ្រោះថ្នាក់ចរាចរណ៍ រវាងរថយន្តប្រើប្រាស់ល្បឿនលឿនខ្វះការប្រុងប្រយត្ន័ ស្រាប់តែរេចង្កូតបុកចូលតូបលក់ចាប់ហួយរបស់ប្រជាពលរដ្ឋយ៉ាងពេញទំហឹង បង្កការភ្ញាក់ផ្អើល កាលពីថ្ងៃទី៦ ខែកុម្ភៈ ឆ្នាំ២០១៩ វេលាម៉ោង១០និង៣០នាទីព្រឹក ស្ថិតនៅលើផ្លូវជាតិលេខ១៣ ក្រាលកៅស៊ូ នៅចំណុចភូមិចុងអូរ ឃុំកំពង់ត្រាច ស្រុករមាសហែក ខេត្តស្វាយរៀង។
យោងតាមនគរបាលខេត្តស្វាយរៀងបានឲ្យដឹងថា អ្នកជិះរថយន្តដែលរងរបួសមានឈ្មោះ វ៉ាន់ សារ៉ា ភេទប្រុស អាយុ២៧ឆ្នាំ រស់នៅភូមិក្រូច ឃុំជ្រុងពពេល ស្រុករំដួល ខេត្តស្វាយរៀងជាអ្នកបើករថយន្ត ។
ទី២ ឈ្មោះ កេង ចាន់ឌឿន ភេទប្រុស អាយុ៥៤ឆ្នាំ មុខរបរលក់ដូរ រស់នៅភូមិត្រពាំងគ្រួស ឃុំជ្រុងពពេល ស្រុករំដួល ខេត្តស្វាយរៀង។
ទី៣ ឈ្មោះ វ៉ាន់ ប៊ុនរន ភេទប្រុស អាយុ៥៥ឆ្នាំ មុខរបរលក់ដូរ រស់នៅភូមិក្រូច ឃុំជ្រុងពពេល ស្រុករំដួល ខេត្តស្វាយរៀង
ទី៤-ឈ្មោះ ដុំ សាម៉ន ភេទស្រី អាយុ៤៤ឆ្នាំ មុខរបរលក់ដូរ រស់នៅភូមិត្រពាំងគ្រួស ឃុំជ្រុងពពេល ស្រុករំដួល ខេត្តស្វាយរៀង។
ទី៥ ឈ្មោះទេព សារ៉ម ភេទស្រី អាយុ៦៣ឆ្នាំ មុខរបរលក់ដូរ រស់នៅភូមិក្រូច ឃុំជ្រុងពពេល ស្រុករំដួល ខេត្តស្វាយរៀង។
ទី៦-ឈ្មោះ សំ លីសា ភេទស្រី អាយុ៣ឆ្នាំ រស់នៅភូមិក្រូច ឃុំជ្រុងពពេល ស្រុករំដួល ខេត្តស្វាយរៀង
និងទី៧-ឈ្មោះ ឌឿន សំណាង ភេទស្រី អាយុ៥ឆ្នាំ មុខរបរក្នុងបន្ទុក រស់នៅភូមិត្រពាំងគ្រួស ឃុំជ្រុងពពេល ស្រុករំដួល ខេត្តស្វាយរៀង
ចំណែកតូបលក់ចាប់ហួយដែលរងការខូចខាតមានម្ចាស់ឈ្មោះ សែ លីដា ភេទប្រុស អាយុ២១ឆ្នាំ មុខរបរលក់ដូរ រស់នៅភូមិចុងអូរ ឃុំកំពង់ត្រាច ស្រុករមាសហែក ខេត្តស្វាយរៀង
សម្ភារដែលខូចខាតរួមមានកញ្ចក់ដាក់ពែង១គ្រែ ធុងស្នោរដាក់ទឹកកក និងរថយន្តមួយគ្រឿង។
ប្រភពបន្តថាមុនពេលកើតហេតុមានរថយន្តមួយគ្រឿងម៉ាកLEXUS RX330 ពណ៌ប្រផេះ ពាក់ស្លាកលេខ ភ្នំពេញ 2AU-8993 ដោយធ្វើដោយធ្វើដំណើរក្នុងទិសដៅពីជើងទៅត្បូងដោយប្រើប្រាស់ល្បឿនលឿនខ្វះការប្រុងប្រយត្ន័ស្រាប់តែរេចង្កូតបុកចូលតូបលក់ចាប់ហួយរបស់ប្ររជាពលរដ្ឋយ៉ាងពេញទំហឹងបង្កការភ្ញាក់ផ្អើលតែម្ដង។
បច្ចុប្បន្នអ្នករងគ្រោះត្រូវបានសមត្ថកិច្ចមូលដ្ឋានយកទៅសង្គ្រោះនៅមន្ទីរពេទ្យបង្អែកស្រុករមាសហែនិងធ្វើការវាស់វែងអូសយករថយន្តមករក្សាទុកនៅអធិការដ្ឋាននគរបាលស្រុករមាសហែកដើម្បីដោះស្រាយពេលក្រោយ ៕ យឹម សុថាន
