សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចររវាង រថយន្ត បុកម៉ូតូ ក្នុងទិសដៅផ្ទុយគ្នា បណ្តាលឲ្យបុរសម្នាក់រង របួសធ្ងន់ និងខូចខាតរថយន្ត០១គ្រឿង ម៉ូតូ០១គ្រឿង ។
ហេតុការណ៍នេះបានកើត វេលាម៉ោង១៥និង១០នាទី ថ្ងៃអាទិត្យ ៥រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៤ ខែកុម្ភៈ ឆ្នាំ២០១៩ លើផ្លូវកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១១០និង១១១ ភូមិអង្គរនាង ឃុំទ្រៀល ស្រុកបារាយណ៍ ខេត្តកំពង់ធំ។
សមត្ថកិច្ចបានឲ្យដឹងថា រថយន្តម៉ាកទីតាន់់ ពណ៌ខៀវ គ្មានស្លាកលេខ ដឹកដី បើកបរទឹសដៅពីត្បូងទៅជើង ដោយឈ្មោះ ឃុត ម៉ិះ ភេទប្រុស អាយុ៤៣ឆ្នាំ មុខរបរ បើកបររថយន្ត នៅភូមិបារាយណ៍ ឃុំបារាយណ៍ ស្រុកបារាយណ៍ ខេត្តកំពង់ធំ គ្មានរបួសនោះទេត្រូវបាន នាំខ្លួនទៅកាន់អធិការដ្ឋាន នគរបាលស្រុកបារាយណ៍ ។
ចំណែកម៉ូតូម៉ាកហុងដា ឌ្រីម C125 ពណ៌ខ្មៅ ស្លាកលេខ កំពង់ធំ 1K.7875 បើកបរទិសដៅពីជើងទៅត្បូង ដោយ ឈ្មោះ សេង ពីសី ភេទប្រុស អាយុ១៩ឆ្នាំ មុខរបរកសិករ នៅភូមិប្រខ្នាយ ឃុំទ្រៀល ស្រុកបារាយណ៍ ខេត្តកំពង់ធំ របួសធ្ងន់ (មិនពាក់មួកសុវត្ថិភាព) ។
មូលហេតុ បង្កដោយអ្នកបើកបររថយន្ត បើកបរខ្ជីខ្ជារ ខ្វះការប្រុងប្រយ័ត្ន បានរេចង្កូតទៅបុកម៉ូតូដែល កំពុងចរាចរក្នុងគន្លងផ្លូវផ្ទុយទិស។
ក្រោយកើតហេតុសមត្ថកិច្ច បានធ្វើកំណត់ហេតុ និងប្រមូល វត្ថុតាងយកទៅរក្សាទុកនៅ អធិការដ្ឋាននគរបាលស្រុក បារាយណ៍រង់ចាំដោះស្រាយគ្នា តាមច្បាប់ ៕ ប៊ុនរិទ្ធី
