សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចរណ៍ រថយន្តបុកម៉ូតូ ក្នុងទិសដៅស្របគ្នា(ពីត្បូងទៅជើង)បណ្តាលឲ្យបុរសម្នាក់របួសធ្ងន់ និងខូចខាតម៉ូតូ០១គ្រឿង ហេតុការណ៍នេះ បានកើតឡើងវេលាម៉ោង២១ និង១០នាទី ថ្ងៃពុធ ១២រោច ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃ១ ខែឧសភា ឆ្នាំ២០១៩ នៅលើកំណាត់ផ្លូវជាតិលេខ០៦ ភូមិមឈាយ ឃំំសំព្រោច ស្រុកស្ទោង ខេត្តកំពង់ធំ ។
សមត្ថកិច្ចបានឲ្យដឹងថា រថយន្តម៉ាកហ៊ីយិនដាយ ពណ៌ស ស្លាកលេខ ព្រះសីហនុ 3A.6829 អ្នកបើកបរមិនស្គាល់អត្តសញ្ញាណ(គេចខ្លួន) ។
ចំណែកម៉ូតូម៉ាកហុងដាឌ្រីមC125 ពណ៌ខ្មៅ ស្លាកលេខ កំពង់ធំ 1K.7231 បើកបរដោយឈ្មោះ ខេត ចិន្តា ភេទប្រុស អាយុ២០ឆ្នាំ នៅភូមិដូនល្អ ឃុំសំព្រោច ស្រុកស្ទោង ខេត្តកំពង់ធំ មុខរបរកសិករ របួសធ្ងន់ ពាក់មួកសុវត្ថិភាព ។
មូលហេតុ បង្កដោយអ្នកបើកបរម៉ូតូ បើកបរមិនប្រកាន់ស្តាំ មិនប្រកាន់គន្លងផ្លូវម៉ូតូរបស់ខ្លួន ។
ក្រោយកើតហេតុ សមត្ថកិច្ចបានចុះវាស់វែង និងធ្វើកំណត់ហេតុ និងបញ្ជូនជនរងគ្រោះទៅមន្ទីរពេទ្យ រួចប្រមូលវត្ថុតាងមករក្សាទុកនៅអធិការដ្ឋាននគរបាលស្រុក ព្រមទាំងបើកការស៊ីបអង្គេត រកមុខសញ្ញាជនបង្កខាងរថយន្ដ ៕ ប៊ុនរិទ្ធី
