សារព័ត៌មាន នគរវត្ត តែងតែនាំមុខគេជានិច្ច
នៅថ្ងៃទី៤ ខែឧសភានេះ ជប៉ុនបានបញ្ជាក់ថា កាំជ្រួចមីស៊ីល របស់កូរ៉េខាងជើង ដែលបានបាញ់សាកល្បង នៅព្រឹកនេះ មិនប៉ះពាល់ដល់ តំបន់សមុទ្រប្រទេសជប៉ុន នោះឡើយ ។ ចំណែកការបាញ់សាកល្បង ពេលមុនៗ គឺបានហោះឆ្លងកាត់ទឹកដីជប៉ុន ។ មីស៊ីល ដែលកូរ៉េខាងជើង បានបាញ់នោះ អាចហោះហើរបានចម្ងាយពី២០០គីឡូម៉ែត្រប៉ុណ្ណោះ ។
កាលពីថ្ងៃទី៤ ខែឧសភា សារព័ត៌មាន យ៉ុនហាប់ របស់កូរ៉េខាងត្បូង បានផ្សាយថា កូរ៉េខាងជើង បានបាញ់សាកល្បងកាំជ្រួចមីស៊ីល មួយដើមរយៈចម្ងាយខ្លី ដោយបាញ់ចេញពីទីតាំង នៅក្នុង ខេត្ត Gangwon ស្ថិតនៅភាគអាគ្នេយ៍នៃប្រទេសនេះ ។
សារព័ត៌មាន Yonhap បានដកស្រង់សម្តីមេបញ្ជាការកម្លាំងទាហាន JCS របស់កូរ៉េខាងត្បូង បានបញ្ជាក់ថា កូរ៉េខាងជើងពិតជាបានបាញ់មីស៊ីល នៅវេលាម៉ោង ៩ និង ៦នាទីព្រឹក ថ្ងៃទី៤ ខែឧសភា ( ម៉ោង ក្នុងតំបន់) ។ កាំជ្រួចមីស៊ីលខាងលើ បានហោះហើរឆ្ពោះទៅកាន់ទិសខាងកើត ។ នៅពេលនេះដែរ អាមេរិក និងកូរ៉េខាងត្បូង កំពុងតែវិភាគទៅលើមីស៊ីល ដែលកូរ៉េខាងជើង បានបាញ់ ជាប្រភេទអ្វី មានសមត្ថភាពខ្លាំងប៉ុណ្ណា ។
នេះជាលើកទីមួយហើយក្នុងរយៈពេល ១ ឆ្នាំកន្លងមក ដែល កូរ៉េខាងជើង បានបាញ់សាកល្បងមីស៊ីល ខណៈ ដែលភាពតានតឹងនៅក្នុងតំបន់ឧបទ្វីប មានភាពល្អប្រសើរឡើង ក្នុងរយៈពេលប៉ុន្មាន ឆ្នាំចុងក្រោយនេះ ។ ប៉ុន្តែក្រោយកិច្ចពិភាក្សាជាមួយអាមេរិកលើកទីពីរមិនទទួលបានជោគជ័យ មេដឹកនាំគីម ជុងអ៊ុន បានឲ្យដំណើរការឡើងវិញ វិធីមីស៊ីល ហើយបានបាញ់សាកល្បង ជាថ្មី ។
កាលពី ឆ្នាំ២០១៦ ដល់ ឆ្នាំ២០១៧ កូរ៉េខាងជើង បានបាញ់សាកល្បងមីស៊ីលដល់ទៅ ៤០លើក ។ ប៉ុន្តែតាំងពី ឆ្នាំ២០១៨ មកដល់ពេលនេះ កូរ៉េខាងជើបានផ្អាកសាកល្បង ក្រោយមានជំនួបពិភាក្សា ជាមួយប្រធានាធិបតីអាមេរិក នៅថ្ងៃទី១២ ខែមិថុនា ក្នុងប្រទេសសឹង្ហបុរីកាលពី ឆ្នាំ្២០១៨ ៕
