សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តដឹកអេស្កាវទ័រមួយគ្រឿង បើកទាក់ខ្សែភ្លើងទាញបាក់បង្គោលភ្លើងបំភ្លឺផ្លូវ អស់ចំនួន២ដើម ធ្លាក់ខ្សែភ្លើងរាយប៉ាយពេញផ្លូវ ។
ហេតុការណ៍នេះ បានកើតឡើងកាលពីវេលាម៉ោង១០ និង១០នាទីយប់ ថ្ងៃទី២៣ ខែឧសភា ឆ្នាំ២០១៩ នៅចំណុចស្ពានលូទឹកស្អុយ តាមបណ្តោយផ្លូវលេខ៣៣៦កែងផ្លូវ២៥១ ស្ថិតក្នុងសង្កាត់បឹងសាឡាង ខណ្ឌទួលគោក ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តហីយ៉ាន់ដាយ ពណ៌ស ពាក់ស្លាកលេខ ភ្នំពេញ 3B 5678 ដឹកអេស្កាវទ័រធ្វើដំណើរតាមបណ្តោយផ្លូវ៣៣៦ ក្នុទិសដៅពីកើតទៅលិចដោយសារការដឹកខ្ពស់ពេកក៏ទាក់ និងខ្សែភ្លើងទាញបង្គោលភ្លើង ដែកបាក់អស់១ដើមចំណែកបង្គោលថ្មរងការបាក់បែក និងធ្លាក់ខ្សែភ្លើងរាយប៉ាយពេញផ្លូវ ។
ក្រោយកើតហេតុ សមត្ថកិច្ចមូលដ្ឋានបានទាក់ទងទៅជំនាញមកយករថយន្តទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ រង់ចាំដោះស្រាយពេលក្រោយ ៕ សុខាសែនជ័យ
