សារព័ត៌មាន នគរវត្ត តែងតែនាំមុខគេជានិច្ច
បច្ចុប្បន្ន នៅលើពិភពលោក មាន៩ប្រទេស មានគ្រាប់បែកបរមាណូ ហើយប្រទេសចុងក្រោយ ដែលមានគ្រាប់បែកបរមាណូនោះ គឺកូរ៉េខាងជើង ។ ដោយសារតែរងការគំរាមកំហែងពីអាមេរិក ដោយយោធា ទើបជំរុញឲ្យកូរ៉េខាងជើង ត្រូវតែខិតខំប្រឹងប្រែងផលិតសព្វាវុធ ដើម្បីការពារខ្លួន ក្នុងនោះមានអាវុធបរមាណូជាដើម ។
នៅពេលនេះ អ៊ីរ៉ង់ក៏ដូចគ្នានេះ អាចឈានដល់ដំណាក់កាលផលិតបរមាណូ ដើម្បីការពារការវាយប្រហារពីអាមេរិក និងអ៊ីស្រាអែល ។
កាលពីថ្ងៃទី៣ ខែកក្កដា ប្រធានាធិបតីអ៊ីរ៉ង់ លោក Hassan Rouhani បានបញ្ជាក់ថា អ៊ីរ៉ង់នឹងបង្កើនការចម្រាញ់សារធាតុអ៊ុយរ៉ានីញ៉ូម លើសពីកម្រិត អនុញ្ញាត នៅពេលដែលអាមេរិកកំបន្តដាក់គំនាបទៅលើប្រទេសនេះ ។ ជាមួយគ្នានោះ ប្រធានាធិបតីអ៊ីរ៉ង់ បានអំពាវនាវដល់ បណ្តាមេដឹកនាំអឺរ៉ុប មានវិធានការទប់ស្កាត់អាមេរិក ។
អ៊ីរ៉ង់មានសមត្ថភាពគ្រប់គ្រាន់ដើម្បីផលិតគ្រាប់បែកបរមាណូ ហើយពេលនេះអ៊ីរ៉ង់ អាចនឹងចាប់ផ្តើមដំណើរការផលិតអាវុធ ទាំងនោះប្រសិនបើអាមេរិក នៅតែគំរាមកំហែងដោយយោធា ។ បើអ៊ីរ៉ង់ផលិតបរមាណូ គឺជាកំហុសរបស់អាមេរិក មិនមែនកំហុសរបស់អ៊ីរ៉ង់នោះឡើយ ។ តាមច្បាប់ប្រទេសដែលមានអធិបតេយ្យ គឺមានសិទ្ធិការពារខ្លួនរួចផុតពីការគំរាមកំហែងវាយប្រហារពីសត្រូវ ។
បច្ចុប្បន្ន ពិភពលោកទាំងមូល មាន ៩ ប្រទេស មានអាវុធបរមាណូ ហើយចំនួនអាវុធបរមាណូដែលប្រទេសទាំងនោះ អាចបំផ្លាញភពផែនដីទាំងមូល ឲ្យក្លាយទៅជាភពគ្មានមនុស្ស សត្វ និងរុក្ខជាតិ ។ នៅពេលនេះ សហគមន៍អន្តរជាតិបារម្ភ ខ្លាចអ៊ីរ៉ង់ គឺជាប្រទេសទី១០ មានអាវុធបរមាណូ ដោយប្រទេសនេះកំពុងតែចម្រាញ់សារធាតុសម្រាប់ផលិតបរមាណូ ។
ក្នុងចំណោមប្រទេសទាំង៩ ដែលមានគ្រាប់បែកបរមាណូ អាចវាយប្រហារទៅលើគោលដៅនានាជុំវិញពិភពលោក ហើយជាប្រទេសចុងក្រោយគេមានគ្រាប់បែកបរមាណូ ។
ខាងក្រោមនេះ ជាប្រទេសដែលមាន គ្រាប់បែកបរមាណូ ចំនួនតិចទៅច្រើន៖
– កូរ៉េខាងជើងជាប្រទេស ទើបតែបង្កើនប្រមាណ៧០ឆ្នាំកន្លងមក ស្ថិតនៅក្នុង«ក្លឹបប្រទេសមានបរមាណូ»មិនចាញ់ប្រទេសមហាអំណានោះឡើយ ។ ប្រទេសនេះប្រឈមនិងការដាក់ទណ្ឌកម្ម គ្រប់ ផ្លូវ ទាំងអស់ ពីសហគមន៍អន្តរជាតិ ប៉ុន្តែកូរ៉េខាងជើង នៅតែអាចផលិតបានគ្រាប់បែកបរមាណូពី១០ទៅ២០ អាចបំពាក់លើមីស៊ីលឆ្លងទ្វីបវាយប្រហារដល់ទឹកដីអាមេរិក ។
-អ៊ីស្រាអែល ជាប្រទេសតូចមួយ ម្នាក់ឯង អាចប្រឆាំងនឹងបណ្តាប្រទេសទាំងអស់ក្នុងតំបន់ជម្ឈឹមបូព៌ា ។ បច្ចុប្បន្ន អ៊ីស្រាអែលមានគ្រាប់បេកបរមាណូ ប្រមាណ៨០គ្រាប់ ។
-ឥណ្ឌា ជាប្រទេស ស្ថិតនៅក្នុងក្លឹបប្រទេសមានបរមាណូ ដោយឥណ្ឌាមានគ្រាប់បែកបរមាណូ ប្រមាណ១៣០-១៤០គ្រាប់ ។ ប៉ុន្តែឥណ្ឌា មានច្បាប់មិនវាយប្រហារបរមាណូ ទៅលើប្រទេសផ្សេងទៀត មុននោះឡើយ ពេលឥណ្ឌារងការវាយប្រហារដោយបរមាណូ ទើបអាចវាយប្រហារសងសឹកវិញដោយបរមាណូដូចគ្នា ។
-ប៉ាគីស្ថាន ជាប្រទេសដែលទើបតែចាប់ផ្តើមស្រាវជ្រាវនិងផលិតបរមាណូ នៅក្នុងឆ្នាំ១៩៧២ ក្រោមការដឹកនាំរបស់នាយករដ្ឋមន្ត្រី Zulfikar Ali Bhutto ។ បច្ចុប្បន្ន ប៉ាគិស្ថាន មានបរមាណូ ប្រមាណពី១៥០-១៦០គ្រាប់ ។
-ចិនជាប្រទេសលំដាប់ទី៥មហាអំណាចបរមាណូ ដែលពិភពលោកទទួលស្គល់ មហាអំណាចបរមាណូទាំង៥នៅលើពិភពលោក ។ ចិនបានសាកល្បងបរមាណូចុងក្រោយគេបង្អស់នៅឆ្នាំ១៩៩៦ ។ បច្ចុប្បន្នចិនមាន ក្បាលគ្រាប់បរមាណូ ២៨០គ្រាប់ ហើយចិនកំពុងតែ បន្ថែមចំនួនក្បាលគ្រាប់បរមាណូរបស់ខ្លួន ។
-អង់គ្លេស ជាប្រទេសលំដាប់ទី៤នៃប្រទេសមហាអំណាចបរមាណូលើពិភពលោក ។ អង់គ្លេសក្បាលគ្រាប់បរមាណូ២០០គ្រាប់ ក្នុងនោះមាន១២០គ្រាប់បានដាក់ឲ្យដំណើរការក្នុងជួរកងទ័ព ។
-បារាំង មានគ្រាប់បែកបរមាណូ សរុប៣០០គ្រាប់ ក្នុងនោះមាន២៨០គ្រាប់ បានដាក់ឲ្យដំណើរការនៅក្នុងជួកងទ័ព ។ បារាំងបានដាក់ឲ្យដំណើរការ តាំងពីឆ្នាំ១៩៥០ ។
-អាមេរិក ជាប្រទេសបរមាណូលំដាប់ទីពីរនៅលើពិភពលោក ។ បច្ចុប្បន្នអាមេរិកមានបរមាណូសរុប៦១៨៥គ្រាប់ ក្នុងនោះ មានក្បាល់គ្រាប់បរមាណូ ដល់ទៅ១៧៥០ដាក់ដំណើរការនៅក្នុងជួរកងទ័ព ។ តាំងពីឆ្នាំ១៩៤៥ មក អាមេរិកបានផលិតក្បាលគ្រាប់ គ្រប់ប្រភេទ ទាំង ក្បាលគ្រាប់បរមាណូសរុបរហូតដល់៧មឺនគ្រាប់ គឺច្រើនជាង បណ្តាប្រទេសជុំវិញពិភពលោក បូកបញ្ជូលគ្នាទៀតផង ។
-រុស្ស៊ី គឺជាប្រទេស ដែលមានគ្រាប់បែកបរមាណូច្រើនជាងគេបំផុតលើពិភពលោកសរុបមាន៦៥០០ ក្នុងនោះមាន១៦០០គ្រាប់ដាក់ដំណើរការ ក្នុងជួរកងទ័ព ។ ចាប់តាំងពីឆ្នាំ១៩៤៩ដល់ឆ្នាំ១៩៩១ស៊ូវៀតផលិតបានក្បាលគ្រាប់គ្រប់ប្រភេទ ក្នុងនោះមានទាំងបរមាណូ សរុប ៥ម៉ឺន៥ពាន់គ្រាប់៕
