បុរសម្នាក់ស្លាប់ ដោយសារគ្រោះថ្នាក់ចរាចរណ៍ រវាងម៉ូតូបុកអ្នកថ្មើរជើង

ខេត្តកំពង់ធំ៖ គ្រោះថ្នាក់ចរាចរណ៍រវាង ម៉ូតូ បុកអ្នកថ្មើរជើងឆ្លងកាត់ផ្លូវ បណ្ដាលឲ្យបុរសម្នាក់ស្លាប់ និងខូចខាតម៉ូតូ០១គ្រឿង កាលពីវេលាម៉ោង១៩និង១០នាទី នៅថ្ងៃសុក្រ ០៤កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៥ ខែកក្កដា ឆ្នាំ២០១៩ នៅលើកំណាត់ផ្លូវជាតិលេខ៦ ចន្លោះគីឡូម៉ែត្រលេខ១៨៩-១៩០ ភូមិបាគង ឃុំត្បែង ស្រុកកំពង់ស្វាយ ខេត្តកំពង់ធំ ។

សមត្ថកិច្ចបានឲ្យដឹងថា ម៉ូតូម៉ាកវ៉េវ ពណ៌ខ្មៅ ផ្លាកលេខកំពង់ធំ 1G.6690 បើកបរទិសពីលិចទៅកើត ដោយឈ្មោះ អូន អយ ភេទប្រុស អាយុ២០ឆ្នាំមុខរបរធ្វើស្រែ រស់នៅភូមិឫស្សីជះ ឃុំត្បែង ស្រុកកំពង់ស្វាយ ខេត្តកំពង់ធំ របួសស្រាល ពាក់មួកសុវត្ថិភាព នាំខ្លួនទៅកាន់អធិការដ្ឋាននគរបាល ស្រុកកំពង់ស្វាយ ។

អ្នកថ្មើរជើងឆ្លងកាត់ផ្លូវពីជើងទៅត្បូង ឈ្មោះ ស៊ឹម គឹមសេង ភេទប្រុស អាយុ៣៩ឆ្នាំ មុខរបរធ្វើស្រែ រស់នៅភូមិ ឃុំកើតហេតុខាងលើ ស្លាប់នៅកន្លែងកើតហេតុ ។

សមត្ថកិច្ចបញ្ជាក់ថា មូលហេតុជាបង្កដោយអ្នកថ្មើរជើងឆ្លងកាត់ផ្លូវខ្ជីខ្ជារខ្វះការប្រុងប្រយ័ត្ន ។

ក្រោយកើតហេតុ សមត្ថកិច្ចបានចុះវាស់វែង ប្រមូល វត្ថុតាងយកទៅរក្សាទុកនៅអធិការដ្ឋាននគនរបាលស្រុកកំពង់ស្វាយ រួចបានបានប្រគល់សពជូនក្រុមគ្រួសារចាត់ចែងធ្វើបុណ្យតាមប្រពៃណី ៕ ប៊ុនរិទ្ធី