សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ ជនសង្ស័យជាចោរលួចរថយន្ត៣នាក់ ត្រូវបានសមត្ថកិច្ចនគរបាលខេត្តកំពង់ស្ពឺ បានតាមស្រាវជ្រាវរហូតចាប់ខ្លួនបានពាក់ព័ន្ធការលួចរថយន្តមួយគ្រឿង កាលពី ថ្ងៃទី១០ ខែកក្កដា ឆ្នាំ២០១៩ ។ ក្រោយសមត្ថកិច្ចសួរនាំ និងធ្វើតេស្តទឹកនោមរួចមក ឃើញថា ក្រុមជនសង្ស័យម្នាក់ជាអ្នកញៀនថ្នាំគ្រប់គ្នា ។
ប្រភពបានឲ្យដឹងថា កាលពី ថ្ងៃទី១១ ខែកក្កដា ឆ្នាំ២០១៩ វេលាម៉ោង០១៖៣០នាទីរំលងអាធ្រាត្រ ជនរងគ្រោះឈ្មោះ ហង្ស ហាក់ ភេទប្រុស អាយុ៣២ ឆ្នាំ នៅភូមិព្រៃក្តី ឃុំធម្មតាអរ ស្រុកសំរោងទង ខេត្តកំពង់ស្ពឺ បានឃើញរថយន្តរបស់ខ្លួនដែលបាត់ ហើយបានរាយការណ៍មកអធិការដ្ឋានស្រុកភ្នំស្រួច ឲ្យជួយឃាត់ខ្លួនជនសង្ស័យែលកំពុងបើករថយន្ត ។
ប្រភពបន្តថាការឃាតនេះធ្វើឡើងនៅភូមិក្រាំងច្រេស ឃុំគីរីវ័ន្ត ស្រុកភ្នំស្រួចនាវរលាខាងលើ ។ ជនសង្ស័យដែលសមត្ថកិច្ចឃាត់បានរួមមាន៖ ទី១៖ ឈ្មោះ មាស ដារ៉ូ អាយុ២៦ ឆ្នាំ នៅភូមិព្រៃធំ ឃុំក្បាលកោះ ស្រុកកៀនស្វាយ ខេត្តកណ្តាល មុខរបរបើករថយន្តឲ្យក្រុមហ៊ុនតិចស្រ៊ុនទី២៖ ឈ្មោះ ឃឺន សំណាង អាយុ១២ ឆ្នាំ នៅភូមិទី៦ ឃុំត្រែងត្រយឹង ស្រុកភ្នំស្រួចទី៣៖ ឈ្មោះ ឆិល បុត្រ អាយុ១៧ ឆ្នាំ នៅភូមិទី៦ ឃុំត្រែងត្រយឹង ស្រុកភ្នំស្រួច ។
ក្រោយឃាត់ខ្លួនបានជនសង្ស័យឈ្មោះ មាស ដារ៉ូ បានឆ្លើយសារភាពថារូបគេ និងឈ្មោះ ឆ្អឹង បានស្គាល់គ្នាតាមរយៈបើករថយន្ត ហើយក៏សេពថ្នាំញៀនជាមួយគ្នាផងដែរ ។
ជនសង្ស័យបន្តថានៅ ថ្ងៃទី១០ ខែកក្កដា ឆ្នាំ២០១៩ខ្លួន និងឈ្មោះ ឆ្អឹង បានមកក្រុមហ៊ុនតិចស៊្រុន បានឃើញរថយន្តថតចោល ក៏បើកទ្វារចូលមើលឃើញកូនសោជាប់នៅរថយន្ត ពេលនោះក៏នាំគ្នាលួចយកមកខេត្តកំពង់ស្ពឺ ដោយឈ្មោះ ឆ្អឹង ជាអ្នកបើក ទៅលេងជាំ (ស្រុកឱរ៉ាល់) ។ ពេលត្រឡប់មកវិញ ដល់ផ្លូវបំបែកច្បារមនឈ្មោះ ឆ្អឹង ប្រាប់ខ្លួនថាឲ្យបើករថយន្តបើករថយន្តទៅផ្ទះបងរបស់គេ(អាឆ្អឹង) នៅ km94 ទៅទិញថ្នាំតែមិនជួបអ្នកលក់ក៏មកទិញ នៅ km104វិញ ពេលនោះបានហៅឈ្មោះ ឃឺន សំណាង និងឈ្មោះ ឆិល បុត្រ ជិះមកជាមួយ ហើយត្រូវសមត្ថិកច្ចឃាត់ខ្លួនតែម្តង ។
ក្រោយឃាត់ខ្លួនសមត្ថកិច្ចរកឃើញថា ឈ្មោះ ឃឺន សំណាង និង ឆិល បុត្រ ជាអ្នកលក់គ្រឿងញៀនឲ្យឪពុកម្តាយវា ។
ក្រោយបញ្ចប់ការសាកសួរសមត្ថកិច្ចកំពុងកសាងសំណុំរឿង បញ្ជូនជនសង្ស័យ ទៅស្នងការដ្ឋានខេត្ត ដើម្បីចាត់ការទៅតាមនីតិវិធី ៕ សេនាស័ក្តិ
