សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានបញ្ជូនជនសង្ស័យម្នាក់ ទៅតុលាការ នៅព្រឹកថ្ងៃទី១១ ខែសីហា ឆ្នាំ២០១៩ ពាក់ព័ន្ធករណីលួចមានស្ថានទម្ងន់ទោសចំនួន២ករណី (ឆក់សម្ភារប្រជាពលរដ្ឋតាមផ្លូវសាធារណៈ) ។
ជនសង្ស័យមានឈ្មោះ សៅ លីហួ អាយុ២៦ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួល ផ្លូវលំ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ។
វត្ថុតាងចាប់យកៈ ម៉ូតូម៉ាកស៊ុយហ្សុយគីនិច ពណ៌ស ផលិតឆ្នាំ២០១៩ ពាក់ស្លាកលេខ ភ្នំពេញ 1HD-6157
លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាល បានឲ្យដឹងថាជនសង្ស័យត្រូវបានកម្លាំងជំនាញស្រាវជ្រាវឃាត់ខ្លួនកាលពីថ្ងៃទី០៩ ខែសីហា ឆ្នាំ២០១៩ ម៉ោងប្រហែល១២ និង២០នាទី នៅចំណុចផ្លូវលេខ១៨៦ កែងផ្លូវលេខ២៥៣ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។
ករណីទី១-អំពើលួចមានស្ថានទម្ងន់ទោស (ឆក់ទូរស័ព្ទដៃម៉ាក SAMSUNG GALAXY NOTE8) នៅចំណុចមុខដីឡូតិ៍ទំនេរទុកចោលផ្ទះលេខ៧២ ផ្លូវលេខ២៤៥ ក្រុម៧ ភូមិ៣ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ កាលពីថ្ងៃទី០៤ ខែសីហា ឆ្នាំ២០១៩ ម៉ោង២ និង៣០នាទី ។
ករណីទី២-អំពើលួចមានស្ថានទម្ងន់ទោស (ឆក់ទូរស័ព្ទដៃម៉ាកIPhone 6Plus ពណ៌ ខ្មៅ) នៅចំណុចគល់ស្ពានអាកាស៧មករា ផ្លូវសហព័ន្ធរុស្ស៊ី ភូមិបូរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីថ្ងៃទី២៧ ខែកក្កដា ឆ្នាំ២០១៩ ម៉ោង១២ និង៣០នាទី ៕ ជ្រោយពេជ្រ
