សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់កើតជំងឺខ្យល់គរ បណ្តាលឲ្យស្លាប់ កាលពីវេលាម៉ោងប្រមាណ១៤និង០០នាទី ថ្ងៃទី១៦ ខែសីហា ឆ្នាំ២០១៩ នៅចំណុចផ្លូវ២០១១ ក្នុងការដ្ឋានសំណង់ ភូមិជ្រេស សង្កាត់គោករកា ខណ្ឌព្រែកព្នៅ រាជធានីភ្នំពេញ។
ជនរងគ្រោះឈ្មោះ ចាន់ ភីរុន ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មករសំណង់ មានទីលំនៅបច្ចុប្បន្ន ក្នុងការដ្ឋានសំណង់ ផ្លូវ២០១១ ភូមិជ្រេស សង្កាត់គោករកា ខណ្ឌព្រែកព្នៅ រាជធានីភ្នំពេញ ។
សមត្ថកិច្ចបានឲ្យដឹងថា នៅមុនពេលកើតហេតុ ជនរងគ្រោះបានប្រាប់មេជាងសំណង់ថាទៅលេងផ្ទះបងប្អូន រួចក៏ជិះម៉ូតូចេញទៅបាត់ ។ ពេលត្រឡប់មកវិញក៏ជួបគ្រោះថ្នាក់ចរាចរណ៍(ដួលម៉ូតូ) ពេលនោះបងប្អួនក៏បានបញ្ជូនជនរងគ្រោះទៅមណ្ឌលសុខភាពគោករកា ។ លុះដល់ថ្ងៃទី១៦ ខែសីហា ឆ្នាំ២០១៩ វេលាម៉ោង១៤ និង០០នាទី ជនរងគ្រោះបានអង្គុយហូបបាយជាមួយគ្រួសាររួចហើយ ក៏បានប្រាប់ប្រពន្ធថា ខ្លួនចូលទៅដេកហើយ ក្នុងទឹកមុខស្លេកស្លាំង ។ ដោយមានសភាពមិនស្រួល ក៏បាននាំយកមកមណ្ឌលសុខភាពសង្កាត់គោករកា ពេលទៅដល់គ្រូពេទ្យបានប្រាប់ថា ជនរងគ្រោះបានគាំងបេះដូង(ខ្យល់គ)ស្លាប់បាត់ហើយ។
តាមការពិនិត្យរបស់កម្លាំងជំនាញនៃអធិការដ្ឋាននគរបាលខណ្ឌព្រែកព្នៅ ជនរងគ្រោះពិតជាស្លាប់ដោយសារគាំងបេះដូង(ខ្យល់គរ) ពិតប្រាកដមែន និងបានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕ធឿនព្រែកជ័យ
