រថយន្តមិនស្គាល់ម៉ាកបើកបុកអ្នកជិះម៉ូតូពីក្រោយស្លាប់ និងរបួសធ្ងន់ម្នាក់

ខេត្តស្វាយរៀង៖ យ៉ាងហោចណាស់បុរសម្នាក់ស្លាប់ និងម្នាក់ទៀតរងរបួសធ្ងន់ដោយសារករណីគ្រោះថ្នាក់ចរាចរណ៍គួរឲ្យរន្ធត់រវាងរថយន្តមិនស្គាល់ម៉ាកប្រើប្រាស់ល្បឿនលឿនខ្វះប្រុងប្រយត្ន័ប្រលះបុកពីក្រោយម៉ូតូស្របទិសគ្នាពេញទំហឹងលាន់សូរដូចរន្ទះបាញ់កាលពីវេលាម៉ោង៤ និង៣០នាទីទៀបភ្លឺ ថ្ងៃទី២៣ ខែសីហា ឆ្នាំ២០១៩ នៅចន្លោះគីឡូម៉ែត្រលេខ១៥៨ និង១៥៩ ស្ថិតនៅភូមិព្រៃផ្តៅ សង្កាត់ច្រកម្ទេស ក្រុងបាវិត ខេត្តស្វាយរៀង ។

បើតាមសមត្ថកិច្ចនគរបាលក្រុងបាវិតបានឲ្យដឹងថា បុរសដែលស្លាប់មានឈ្មោះ ព្រុំ ប្រុស អាយុ២៨ឆ្នាំ ជនជាតិខ្មែរមុខរបរកម្មករសំណង់រស់នៅភូមិកំពង់ត្រាច ឃុំកំពង់ត្រាច ស្រុរមាសហែក ខេត្តស្វាយរៀង និងអ្នករងរបួសធ្ងន់មានឈ្មោះ យស់ ភក្តី អាយុ២៨ឆ្នាំ មុខរបរកម្មករសំណង់ មានទីលំនៅភូមិដីក្រហម ឃុំមេសថ្ងក ស្រុកចន្ទ្រា ខេត្តស្វាយរៀង ខណៈបើកម៉ូតូម៉ាក ហុងដា C១២៥ ពណ៍ខ្មៅ ពាក់ស្លាកលេខ ស្វាយរៀង ១I២៨៣៨ ខូចខាតយ៉ាងដំណំ ។

បើតាមសាក្សីបានឲ្យដឹងថា មុនកើតហេតុគេឃើញបុរស២នាក់ បានជិះម៉ូតូមួយគ្រឿងម៉ាកហុងដាសេ ១២៥ ក្នុងទិសដៅពីកើតទៅលិចលើកំណាត់ផ្លូវជាតិលេខ១ ខណៈនោះស្រាប់តែ មានរថយន្ត១គ្រឿង មិនស្គាល់ម៉ាកបើកបរពីកើតទៅលិចស្របគ្នាបុកប៉ះពីក្រោយពេញទំហឹងបង្កការភ្ញាក់ផ្អើលដល់អ្នកភូមិ ។

ក្រោយពីបង្កហេតុអ្នកបើកបររថយន្តបាមបើករត់គេចខ្លួនទៅទិសខាងលិចភ្លាមៗតែម្ដង ។

បច្ចុប្បន្ន សាកសពត្រូវបានសមត្ថកិច្ចបានប្រគ់ឲ្យក្រុមគ្រួសារយកទៅធ្វើបុណ្យតាមប្រពពៃណី និងយកអ្នករងរបួសធ្ងន់ទៅកាន់មន្ទីរពេទ្យ និងវាស់វែងអូសយកមធ្យោបាយធ្វើដំណើរយកមករក្សាទុកនៅអធិការដ្ឋាននគរបាលក្រុងបាវិត ៕ យឹម សុថាន