សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងរបស់អធិការដ្ឋាននគរបាលខណ្ឌទួលគោក បានឃាត់ខ្លួនជនសង្ស័យ ២នាក់ ជាក់ស្ដែងពីបទប៉ុនប៉ងលួចម៉ូតូ កាលពីថ្ងៃទី៣០ ខែកញ្ញា ឆ្នាំ២០១៩ វេលាម៉ោង ៩និង៣០នាទីព្រឹក ប្រព្រឹត្តត្រង់ចំណុចលើដងផ្លូវលេខ២៧១កែងផ្លូវលេខ២៦៥ ក្រុមទី០៧ ភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួន៖១-ឈ្មោះ សៅ ដាណា ហៅ ខ្នា អាយុ ២៩ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះគ្មានលេខ ផ្លូវលំ ភូមិនបាគូ សង្កាត់ដង្កោ ខណ្ឌដង្កោ រាជធានីភ្នំពេញ ។ ២-ឈ្មោះ ប៊ិន សុភ័ក្រ្ត ហៅ ភ័ក្រ្ត អាយុ ២១ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលមិនស្គាល់លេខ ផ្លូវបេតុង សង្កាត់អូរបែកក្អម ខណ្ឌសែនសុខ រាជធានីភ្នំពេញ ។
វត្ថុតាងចាប់យកមានរួមមានម៉ូតូម៉ាក Honda I con ពណ៌លឿង លាយស អត់ស្លាកលេខ របស់ឈ្មោះ សៅ ដាណា ) និងដែកសម្រាប់កាច់កម៉ូតូចំនួន០១, ទូរស័ព្ទ ដៃ០១គ្រឿងរបស់ឈ្មោះ ប៊ិន សុភ័ក្រ្ត ។
បច្ចុប្បន្នជនសង្ស័យកំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីសាកសួរ និងចាត់ការបន្តតាមនីតិវិធី ៕ ជ្រោយពេជ្រ
