សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្ដបែនមួយគ្រឿង បើកបរដោយបុរសម្នាក់ រេចង្កូតឡើងសួនផ្លូវទៅបុកបង្គោលភ្លើងបណ្ដាលឲ្យបាក់មួយដើម និងរងការខូចខាតសួនយ៉ាងដំណំ ។ ហេតុការណ៍គ្រោះថ្នាក់ចរាចរណ៍នេះ បង្កឲ្យមានការភ្ញាក់ផ្អើលការពីវេលាម៉ោង៦ និង១០នាទីល្ងាច នៅថ្ងៃទី៤ ខែតុលា ឆ្នាំ២០១៩ ស្ថិតតាមបណ្ដោយផ្លូវ២១៧ ភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុគេឃើញរថយន្ដអាបែនមួយគ្រឿង ពណ៌ខៀវចាស់ ពាក់ស្លាកលេខ កំពង់ឆ្នាំង 3A-0065 ជិះដោយបុរសម្នាក់បានធ្វើដំណើរក្នុងទិសដៅពីត្បូងមកជើងក្នុងល្បឿនលឿន ខណះពេលមកដល់ និងចំណុចកើតហេតុក៏បានរេចង្កូតឲ្យឡើងលើសួនផ្លូវទៅបុកនិងបង្គោលភ្លើងបំភ្លឺផ្លូវបណ្ដាលឲ្យបាក់មួយដើម ។ ចំពោះសួនផ្លូវរងការខូចខាចស្មៅប្រហែល៧ម៉ែត្រ ។ រីឯកៃកុងរថយន្ដវិញ បានចុះពីរថយន្ដគេចខ្លួនបាត់ សំណាងល្អមិនបណ្ដាលឲ្យមនុស្សរងរបួស ។
ក្រោយពេលកើតហេតុ សមត្ថកិច្ចជំនាញចរាចរណ៍ខណ្ឌដង្កោបានចុះមកដល់ចំណុចកើតហេតុ ហើយវាស់វែងយករថយន្ដបង្កទៅអធិកាដ្ឋាននគរបាលខណ្ឌដង្កោដើម្បីរង់ចាំម្ចាស់រថយន្ដមកដោះស្រាយទៅតាមផ្លូវច្បាប់ ៕ ភារ៉ា ដង្កោ
