សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសជាប្ដីបានរង របួសបែកក្បាលហូរ ឈាមជោកខ្លួនបង្ក ការភ្ញាក់ផ្អើល ខណៈដែលត្រូវស្ត្រីជា ប្រពន្ធបានប្រើហិង្សាទាញ ញញួរវាយ ហើយរត់គេចខ្លួន ដោយមូលហេតុប្រចណ្ឌ័ប្ដីនឹងស្រីផ្សេង ។
ហេតុការណ៍នេះបានកើតឡើងកាលពីវេលាម៉ោង៧ព្រឹក ថ្ងៃទី១៩ ខែវិច្ឆិកា ឆ្នាំ២០១៩ នៅចំណុចភូមិបាក្រុង ឃុំស្វាយចេក ស្រុករំដួល ខេត្តស្វាយរៀង ។
បើតាមសមត្ថកិច្ច នគរបាលស្រុកបានអោយដឹងថា ប្ដីរងគ្រោះមាន ឈ្មោះសូ សារិត អាយុ៥៥ឆ្នាំ មុខរបរកសិករ រស់ក្នុងភូមិបាក្រុង ឃុំស្វាយចេក ស្រុករំដួល ខេត្តស្វាយរៀង ។
ចំណែកស្ត្រីសង្ស័យជាប្រពន្ធមានឈ្មោះ ឡៅ សាម៉ាច អាយុ៥៣ឆ្នាំ មុខរបរកសិករ រស់នៅភូមិ ឃុំជាមួយគ្នា ។
តាមអ្នកភូមិបាន អោយដឹងថា មុនកើតហេតុគេឃើញប្ដីប្រពន្ធ២នាក់បានឈ្លោះប្រកែកគ្នាយ៉ាងខ្លាំង ដោយប្រច័ណ្ឌប្ដីជាមួយស្រីផ្សេងទើបមិនសូវរវីរវល់ នឹងខ្លួន ខណៈនោះស្រាប់តែរត់ទៅទាញ បានយកញញួរស្ទុះមកវាយទៅលើក្បាលហូរឈាមជោកខ្លួនបង្កការភ្ញាក់ផ្អើលតែម្ដង ។
ក្រោយមកបុរសរងគ្រោះត្រូវបានក្រុមគ្រួសារដឹកមកសង្គ្រោះនៅមន្ទីរពេទ្យ ចំណែកស្ត្រីសង្ស័យ សមត្ថកិច្ចកំពុងស្រាវជ្រាវរកជនបង្កដើម្បី កសាងសំណុំរឿងតាមច្បាប់ ៕ យឹម សុថាន
