សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់បានធ្វើសកម្មភាពគាស់បន្ទប់ជូល ចូលរើកកាយលួចទ្រព្យសម្បត្តិ ម្ចាស់មកទាន់ចាប់ប្រគល់ជូនសមត្ថកិច្ចកាលពីវេលាម៉ោង១១ព្រឹក ថ្ងៃទី២៣ ខែវិច្ឆិកា ឆ្នាំ២០១៩ នៅផ្ទះជួលក្នុងភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ។
តាមប្រភពបានឲ្យដឹងថា ខណៈដែលម្ចាស់មិននៅ ជនសង្ស័យទៅធ្វើសកម្មភាព គាស់សោចូលលួចទ្រព្យសម្បត្តិ បានសម្រេចហើយ ម្ចាស់ផ្ទះជួលមកទាន់ រួមជាមួយម្ចាស់បន្ទប់ ពលរដ្ឋក្បែរខាង ចាប់ឃាត់ខ្លួនបាន នាំយកទៅសាកសួរនៅប៉ុស្តិ៍ ។
បើតាមស្ត្រីម្ចាស់បន្ទប់ បានឲ្យដឹងដែរថា គាត់មិនប្តឹងទេ សុំយកតែរបស់ទ្រព្យរបស់គាត់ទៅវិញ ហើយប្រគល់ឲ្យសមត្ថកិច្ច អនុវត្តតាមនីតិវិធី អប់រំ ឬយ៉ាងណានោះ អាស្រ័យលើសមត្ថកិច្ច ៕ សុខាសែនជ័យ
