សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ពលរដ្ឋដែលឃើញហេតុការណ៍ប្រាប់ថា មានគ្រោះថ្នាក់ចរាចរណ៍មួយកើតឡើង រវាងរថយន្តដឹកដីបើកលឿន ពេលចុះចំណោតបុករះប៉ះរថយន្តស្តារុិច២គ្រឿង និងម៉ូតូមួយគ្រឿងទៀត នៅផ្លូវចំណោតលោកយាយម៉ៅ ក្រុងព្រះសីហនុ វេលាម៉ោង៤និង៣០នាទី ល្ងាចថ្ងៃ៥ ខែធ្នូ ឆ្នាំ២០១៩ បណ្តាលឲ្យបុរសអ្នកជិះម៉ូតូរងរបួសធ្ងន់បាក់ជើង ក្នុងនោះរថយន្តធំបានក្រឡាប់ធ្លាក់ផ្លូវដែរ ។
បើតាមពលរដ្ឋបានប្រាប់បន្តសអ្នកបើកបររថយន្តដឹកដីបង្កហេតុ ជាយុវជនវយ័ក្មេង ត្រូវបានប្រជាពលរដ្ឋនាំគ្នាជួយគាស់យកចេញពីរថយន្តដែលក្រឡាប់នោះផងដែរ ប៉ុន្តែមិនមានរងរបួសធ្ងន់ធ្ងរទេ និងថា ក្រោយមក យុវជនអ្នកបើកបររូបនោះ បានរំដោះខ្លួនរត់គេចបាត់ ដែលទំនងជា ដោយសារខ្លាចកើតមានអំពើហិង្សាពីមហាជនដែលចោមរោមមើល ។
បច្ចុប្បន្នរថយន្ត៣គ្រឿង និងម៉ូតូ១គ្រឿង ត្រូវបានសមត្តកិច្ចយកមកេក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយនៅពេលក្រោយ ៕ ឆ្លាម សមុទ្រ
