សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់បើករថយន្តស៊េរីទំនើបមួយគ្រឿង ម៉ាកម៉ាស្ដារលឿនដូចហោះជ្រុលទៅបុកម៉ូតូកង់បីឥណ្ឌា បើកឆ្លងផ្លូវក្រឡាប់ជាច្រើនត្រឡប់ផ្លោងទៅបោកនឹងរថយន្ តlexus300 មួយគ្រឿងទៀត ចតស្ងៀមតាមចិញ្ចើមផ្លូវ ម្ចាស់កង់បីរបួសបាក់ជើង ។
ហេតុការណ៍នេះ កើតឡើងកាលពីវេលាម៉ោង ៣ និង ១០ នាទីទៀបភ្លឺ ថ្ងៃទី ២១ ខែធ្នូ ឆ្នាំ ២០១៩ នៅចំណុចមុខក្លឹបកំសាន្ត ហ្សូក តាមបណ្ដោយផ្លូវ ១៩៨៦ ក្នុងសង្កាត់ភ្នំពេញថ្មីខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតខេត្តបានឲ្យដឹងថាមុនកើតហេតុគេឃើញបុរសម្នាក់បើកម៉ូតូកង់បីឥណ្ឌាមួយគ្រឿងពណ៌សពាក់ស្លាកលេខភ្នំពេញ2HR-4362ឆ្លងពីផ្លូវម្ខាងមកផ្លូវម្ខាងទៀតក្នុងទិសដៅត្បូងជើងខណះមកដល់កន្លែងកើតហេតុខាងលើក៍មានរថយន្តស៊េរីទំនើបមួយគ្រឿងម៉ាក ម៉ាស្ដារ ពណ៌ស ពាក់ស្លាកលេខ ភ្នំពេញ 2AR-9885 បើកបរដោយយុវជនម្នាក់ធ្វើដំណើរតាមបណ្តោយផ្លូវ ១៩៨៦ ទិសដៅពីកើតទៅលិចក្នុងល្បឿនលឿនដូចហោះបុកចំពាក់កណ្តាលម៉ូតូកង់បីពេញទំហឹងបណ្ដាលឱ្យក្រឡាប់ជាច្រើនត្រឡប់រួចផ្លោងទៅទៅបោកនឹងរថយន្ត lexus 300 មួយគ្រឿងទៀត ចតស្ងៀមតាមចិញ្ចើមផ្លូវចំផ្នែកខាងក្រោយខាងឆ្វេងរងការខូចខាតយ៉ាងដំណំ ។ ចំណែកម្ចាស់ម៉ូតូកង់បី រងរបួសបាក់ជើងម្ខាង ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះភ្លាមៗ ។ រីឯរថយន្តនិងម៉ូតូកង់បីខូចខាតយ៉ាងដំណំ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្ត និងម៉ូតូកង់បីទៅរដ្ឋាទុកនៅការិយាល័យចរាចរណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់ ៕ ចាន់លីហ្សា
