សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ទោហួ យ៉ៃអធិការនគរបាលស្រុកព្រៃនប់ឲ្យដឹងថា ថ្ងៃទី២៣ ខែធ្នូ ឆ្នាំ២០១៩ វេលាម៉ោង១២និង៣០នាទី កម្លាំងជំនាញអធិការដ្ឋាននគរបាលស្រុកព្រៃនប់ សហការជាមួយសមត្ថកិច្ចមូលដ្ឋាន តាមបង្ក្រាបបទល្មើសគ្រឿងញៀន នៅចំណុចរោងចក្រញូវស្តាស្ថិតក្នុង ភូមិ៣ សង្កាត់១ ក្រុងព្រះសីហនុ ខេត្តព្រះសីហនុ បានឃាត់ខ្លួនជនសង្ស័យម្នាក់ ឈ្មោះ ឈាង វីរៈ ភេទប្រុស អាយុ ៣០ឆ្នាំ មានទីលំនៅ ឃុំកោះអណ្ដែត ស្រុកគីរីវង់ ខេត្តតាកែវ មុខរបរមិនពិតប្រាកដ ដកហូតវត្ថុម្សៅសារធាតុញៀនចំនួន២៣កញ្ចប់ និង ទូរស័ព្ទដៃចំនួន២គ្រឿង។
បច្ចុប្បន ជនសង្ស័យត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការតាមនីតិវិធី៕ ឆ្លាម សមុទ្រ
