រថយន្តបើកទៅបុកជាមួយរថភ្លើង​ តែមិនគ្រោះថ្នាក់ដល់អាយុជីវិត

ខេត្តព្រះសីហនុ​៖ នៅថ្ងៃទី​០១ ខែកុម្ភៈ ​ឆ្នាំ​២០២០ វេលាម៉ោង៧:១៥នាទីព្រឹក នៅលើផ្លូវជាតិ៣(ចំណុចផ្លូវរថភ្លើងឆ្លងកាត់) ស្ថិតក្នុង ភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាងរថយន្ត១គ្រឿងម៉ាក HYUNDAI ពណ៌ស ពាក់ស្លាកលេខភ្នំពេញ 3D-5097 អ្នកបើកបរមិនស្គាល់អត្តសញ្ញាណ លុះមកដល់ចំណុចខាងលើបានបើកឆ្លងផ្លូវពីលិច ទៅកើត ស្របពេលមានរថភ្លើង១ខ្សែ ដែលមានទិសដៅពីរាជធានីភ្នំពេញ ឆ្ពោះទៅខេត្តព្រះសីហនុ មកដល់បានបុករថយន្តនេះ បន្ទាប់មករថភ្លើងបានបន្តដំណើរទៅមុខទៀត ។

គ្រោះថ្នាក់ចរាចរណ៍នេះ មិនបណ្ដាលឲ្យមនុស្សរងគ្រោះថ្នាក់ទេ ហើយរថយន្តខូចខាតផ្នែកមុខ បានយកមករក្សាទុកនៅអធិការដ្ឋាននគរ បាលស្រុកព្រៃនប់ ។

ចំណែកអ្នកបើកបររថយន្តរត់គេចខ្លួនបាត់ក្រោយពេលកើតហេតុ ៕ ឆ្លាម សមុទ្រ