សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលដល់អ្នកភូមិ និងក្មេងៗឃ្វាលក្របីប្រញាប់ប្រញាលរត់រាយការណ៍មកសមត្ថកិច្ចមូលដ្ឋានភ្លាមៗ ខណៈប្រទះឃើញសាកសពបុរសម្នាក់ធុំក្លិនស្អុយរលួយ នៅលើដើមប្រេងខ្យល់សង្ស័យជារឿងឃាតកម្ម ។
ហេតុការណ៍នេះ បានកើតឡើងកាលពីវេលាម៉ោង២រសៀល ថ្ងៃទី១ ខែកុម្ភៈ ឆ្នាំ២០២០ នៅភូមិគោកកណ្ដោល ឃុំក្រោលគោ ស្រុកស្វាយជ្រំ ខេត្តស្វាយរៀង ។
យោងតាមសមត្ថកិច្ចនគរបាលស្រុកបានឲ្យដឹងថា បុរសខាងលើត្រូវបានស្គាល់ឈ្មោះ ផាន សាបាន អាយុ៣២ឆ្នាំ មុខរបរមិនពិតប្រាកដ មានទីលំនៅភូមិពោធិ៍ថ្មី ឃុំស្វាយតាយាន ស្រុកកំពងរោទ៍ ខេត្តស្វាយរៀង ខណៈសមត្ថកិច្ចអះអាងថា ជាមនុស្សសរសៃប្រសាទ ។
ប្រភពបន្តថា បន្ទាប់ពីទទួលព័ត៌មានពីប្រជាពលរដ្ឋថា មានមនុស្សចងកនឹងក្រមាលើដើមប្រេងខ្យល់ កម្លាំងសមត្ថកិច្ចចុះពិនិត្យលើខ្លួនសាសពមានរលួយស្បែកជ្រុះសាច់មុខ រលាត់ស្បែកដៃ ដងខ្លួន ជើងសាកសពពាក់អាវដៃវែង ពណ៍ល្មៀតលាយខ្មៅ ស្លៀកខោជើងវែង ពណ៍ខ្មៅពាក់មួកសំយ៉ាបធំផ្កាខៀវខ្មៅ ស្បែកជើងផ្ទាត់មួយគូ ពណ៍ខៀវនៅក្រោមដើមឈើកន្លែងកើតហេតុ ។
ប្រភពបន្តថា សមត្ថកិច្ចសន្និដ្ឋានថា ជនរងគ្រោះចងកពិតប្រាកដមែន រួចប្រគល់ឲ្យក្រុមគ្រួសារធ្វើបុណ្យតាមប្រពៃណី ៕ យឹម សុថាន
