សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មានករណីអគ្គិភ័យមួយបង្ករការភ្ញាក់ផ្អើលដល់ប្រជាពលរដ្ឋធ្វើដំណើរតាមដងផ្លូវ និងសមត្ថកិច្ចហើយទៅជួយអន្តរាគមន៍ មានការទុស្សេខ្សែភ្លើងឆាបឆេះយ៉ាងសន្ធោសន្ធៅនៅតាមបណ្តោយផ្លូវ៥១កែងផ្លូវ ៣៦០នៅ នៅសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
បើតាមប្រភពព័ត៌មានពីប្រជាពលរដ្ឋបានឃើញហេតុការណ៍បានប្រាប់ឲ្យដឹងថា នៅមុនពេលកើតហេតុគឺឃើញទុស្សេនៅបង្គោលភ្លើង ហើយក៏មានអណ្ដាតភ្លើងឆេះយ៉ាងសន្ធោសន្ធៅរួច ក៏ធ្លាក់ខ្សែភ្លើងមកក្រោមដីនឹងឆេះម៉ូតូ២គ្រឿងបានឆាបឆេះទាំងស្រុង ។
ដោយឃើញហេតុការណ៍ដូច្នេះជាពលរដ្ឋបានរាយការណ៍មកសមត្ថកិច្ចមូលដ្ឋានជួយហៅរថយន្តពន្លត់អគ្គិភ័យដើម្បីទៅជួយអន្តរាគមន៍ ពេលដែលរថយន្តពន្លត់អគ្គិភ័យទៅដល់កន្លែង និងបានទាក់ទងទៅក្រុមហ៊ុនអគ្គិសនីដើម្បីបិទបារ៉ែតភ្លើង និងធ្វើការបាញ់ពន្លត់ទាន់ពេលវេលា ។
សូមបញ្ជាក់ផងដែរថា ក្នុងការឆាបឆេះខ្សែភ្លើងនេះ គឺមិនរាលដាលដល់ផ្ទះជាពលរដ្ឋឬក៏បង្កឲ្យមានការគ្រោះថ្នាក់ដល់អាយុជីវិតមនុស្សណាម្នាក់ទេគឺមានតែរកការខូចខាតខ្សែភ្លើងម៉ូតូចំនួន២គ្រឿង ដែលទុកនៅមុខហាងលក់សម្លៀកបំពាក់មួយកន្លែង ៕ សរស្មី
