សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យមួយក្រុមបានធ្វើសកម្មភាពធាក់ផ្តូលម៉ូតូយុវជនម្នាក់ឲ្យដួលរួចហើយដកដាវកាប់ទាំងកំរោលបណ្ដាលឲ្យម្ចាស់ម៉ូតូរងរបួសទើបប្លន់យកម៉ូតូទៅបាត់កាលពីវេលាម៉ោង៩និង៥០នាទីយប់ ថ្ងៃអង្គារ ទី៧ ខែកញ្ញា ឆ្នាំ២០២១ ស្ថិតនៅតាមបណ្ដោយផ្លូវ៥០ម៉ែត្រ ត្រង់ចំណុចមុខបុរីឡុងនី ក្នុងសង្កាត់ព្រៃស ខណ្ឌដង្កោ ។
ជនរងគ្រោះមានឈ្មោះពៅ វត្ថា ភេទ ប្រុស អាយុ២១ឆ្នាំ មុខរបកម្មកររោងចក្រនៅផ្លូវវេងស្រេងជិតក្រុមហ៊ុនហុងដា ស្នាក់នៅភូមិកណ្ដាល សង្កាត់រលួសខណ្ឌដង្កោ ។
បេីតាមសម្ដីជនរងគ្រោះបានប្រាប់ឱ្យដឹងថា មុនពេលកើតហេតុគាត់បានចេញពីរោងចក្រក្នុងគោលបំណងត្រឡប់ទៅផ្ទះវិញ ដោយជិះម៉ូតូម៉ាកហុងដាឌ្រីម ស៊េរីឆ្នាំ២០២១ ពណ៌ខ្មៅ ពាក់ស្លាកលេខភ្នំពេញIR -0035 ធ្វើដំណើរតាមបណ្ដោយផ្លូវ៥០ម៉ែត្រក្នុងទិសដៅពីជើងទៅត្បូង ខណៈមកដល់ចំណុចកើតហេតុខាងលើក៏លេចមុខជនសង្ស័យមានគ្នា៤នាក់ជិះម៉ូតូពីរគ្រឿងមិនចាំម៉ាកមកពីក្រោយបានធ្វើសកម្មភាពធាក់ម៉ូតូគាត់ឲ្យដួល រួចដកដាវសាមូរ៉ៃកាប់ប្រហារមកលើរូបគាត់ជាច្រើនដាវបណ្ដាលឱ្យរងរបួសតែមិនធ្ងន់ធ្ងរទេ រួចជនសង្ស័យបានលើកម៉ូតូជិះទៅត្បងឆ្ពោះទៅវត្តឫស្សីសាញ់គេចខ្លួនបាត់ដោយសុវត្ថិភាពមិនរំខានដល់សមត្ថកិច្ចឡេីយ ។
ក្រោយកើតហេតុទេីបមានសមត្ថកិច្ចមូលដ្ឋានបានចុះមកដល់ចំណុចកើតហេតុ និងបាននាំជនរងគ្រោះទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលព្រៃសដើម្បីឲ្យសមត្ថកិច្ចកំណត់មុខសញ្ញាស្រាវជ្រាវរកជនសង្ស័យទាំងនោះយកមកផ្ដន្ទាទោសតាមច្បាប់ ៕
ដោយ ៖ ភារ៉ា ដង្កោ
