សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យមួយក្រុមបានធ្វេីសកម្មភាពឆក់យកអាវអ្នកលក់ដាក់តាមរទេះនៅតាមដងផ្លូវបានសម្រេចកាលពីវេលាម៉ោង៣និង៣០នាទីរសៀលថ្ងៃទី១៦ ខែកញ្ញា ឆ្នាំ២០២១ នៅចំណុចផ្លូវរថភ្លេីង កែងមហាវិថីឈ្នះ=ឈ្នះ ស្ថិតក្នុងសង្កាត់សំរោងក្រោម ខណ្ឌពោធិ៍សែនជ័យ ហេីយព្យាយាមជិះម៉ូតូរត់គេចខ្លួនរហូតទៅដល់ផ្លូវបេតុង ក្នុងសង្កាត់កំបូលខណ្ឌកំបូល ត្រូវកម្លាំងសមត្ថកិច្ចដេញឃាត់បានចំនួន៤នាក់ ក្នុងនោះជនសង្ស័យទី១-ឈ្មោះអាវ ខេរា ភេទប្រុស អាយុ១៧ឆ្នាំ មុខរបរមិនពិតប្រាកដ, ទី២-ឈ្មោះកុយចាន់ស៊ិន អាយុ១៧ឆ្នាំ, ទី៣-ឈ្មោះ វណ្ណ វណ្ណៈ ភេទប្រុស អាយុ១៧ឆ្នាំ, ទី៤ឈ្មោះរី សាមុត ភេទប្រុស អាយុ១៧ឆ្នាំ ។
តាមប្រភពព័ត៌មានពីជនរងគ្រោះបានឱ្យដឹងថា ជនសង្ស័យខាងលេីតែងតែធ្វេីសកម្មភាពឆក់យកអាវរបស់គាត់ដែលដាក់លក់តាមផ្លូវជាញឹកញាប់ ដោយអាវមួយមានតម្លៃជាង១០ដុល្លារ តែមិនដែលឃាត់ខ្លួនបានទេ រហូតមកដល់វេលាកេីតហេតុស្រាប់តែមានជនសង្ស័យ៥នាក់ជិះម៉ូតូ៣គ្រឿងមកធ្វេីសកម្មភាពឆក់យកអាវរបស់គាត់ទៀត ភ្លាមនោះប្អូនរបស់គាត់ក៏ជិះម៉ូតូដេញតាមស្រែកថាចោរៗបង្កការភ្ញាក់ផ្អេីលដល់កម្លាំងសមត្ថកិច្ចជួយដេញតាមរហូតឃាត់ខ្លួនបានចំនួន៤នាក់និងម៉ូតូ២គ្រឿង។
បច្ចុប្បន្នជនសង្ស័យត្រូវបានសមត្ថកិច្ចនាំខ្លួនទៅសួរនាំនៅប៉ុស្តិ៍រដ្ឋបាលនគរបាលសំរោងក្រោមដេីម្បីកសាងសំណុំរឿងបញ្ជូនទៅអធិការដ្ឋាននគរបាលខណ្ឌពោធិ៍សែនជ័យចាត់ការបន្តតាមនីតិវិធីច្បាប់៕
ដោយ៖សុខាសែនជ័យ
