សារព័ត៌មាន នគរវត្ត តែងតែនាំមុខគេជានិច្ច
ខេត្ងកណ្ដាល៖ នៅព្រឹកថ្ងៃទី១៤ ខែតុលា ឆ្នាំ២០២១នេះ មានករណីយកសាកសពមកទម្លាក់ចោលនៅក្នុងភូមិអំពិលទឹក ឃុំសំបួរមាស ស្រុកមុខកំពូល ខេត្តកណ្ដាល។ ក្រោយពីមានហេតុការណ៍នេះកើតឡើង សមត្ថកិច្ចនៃស្នងការដ្ឋាននគរបាលខេត្តកណ្ដាល សហការជាមួយនគរបាលស្រុកមុខកំពូល ដឹកនាំដោយលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល បានចុះពិនិត្យដល់កន្លែងកើតហេតុ ទើបដឹងថា ជនរងគ្រោះត្រូវបានជនសង្ស័យចាក់ជាច្រើនកាំបិត ដែលជនរងគ្រោះជាជនជាតិវៀតណាម។
បើយោងតាមសេចក្តីរាយការណ៍បានបញ្ជាក់ថា ករណីនេះទំនងជាចាក់សម្លាប់នៅក្នុងទឹកដីខេត្តព្រៃវែង ហើយយកមកទម្លាក់ចោលក្នុងខេត្តកណ្ដាល ។
បច្ចុប្បន្នសមត្ថកិច្ចជំនាញកំពុងធ្វើការពិនិត្យនិងធ្វើកោសល្យវិច័យ ដើម្បីកសាងសំណុំរឿងស្រាវជ្រាវរកជនសង្ស័យយកមកចាត់ការតាមច្បាប់៕
ដោយ៖ស្អាងជ័យ
