សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើយោងតាមប្រភពព័ត៌មានពីរដ្ឋបាលខណ្ឌបឹងកេងកង នៅរសៀលថ្ងៃព្រហស្បតិ៍ ១២ កើត ខែមិគសិរ ឆ្នាំឆ្លូវត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៦ ខែធ្នូ ឆ្នាំ២០២១នេះ បានឱ្យដឹងថា លោក ធឹម សំអាន អភិបាល នៃគណៈអភិបាលខណ្ឌបឹងកេងកង បានបន្តចុះចែកអំណោយជូន ដល់បងប្អូនប្រជាពលរដ្ឋដែលខ្វះខាតចំនួន ៣០គ្រួសារ ក្នុងភូមិ២ និង៣ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ។
នាឱកាសនោះ លោកអភិបាលខណ្ឌបឹងកេងកង ក៏សូមបងប្អូនបន្ដចូលរួមអនុវត្ដវិធានការរបស់ក្រសួងសុខាភិបាល និងចូលរួមគោរពតាមអនុសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា” ៣កុំ ៣ការពារ”។
ជាក់ស្ដែងអំណោយខាងលេីនេះរួមមាន៖
-អង្ករ ១០គីឡូ
-មី ចំនួន ១០កញ្ចប់
-អំបិលមួយកញ្ចប់
-ម៉ាស ចំនួន០១កញ្ចប់
-ត្រីខ ចំនួន០២កំប៉ុង
-ទឹកដោះគោខាប់ ចំនួន១កំប៉ុង
-តែចំនួន០១កញ្ចប់៕
ដោយ៖ស តារា
