សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ បេីយោងតាមប្រភពព័ត៌មានពីអគ្គស្នងការនគរបាលជាតិ បានឱ្យដឹងនៅថ្ងៃទី១៩ ខែមិថុនា ឆ្នាំ២០២២នេះថា៖ សមត្ថកិច្ចនគរបាលខេត្តសៀមរាប បានបញ្ជូនខ្លួនជនសង្ស័យចំនួន០៥នាក់ រួមជាមួយវត្ថុតាងទៅសាលាដំបូងខេត្តអនុវត្តតាមនីតិវិធី ពាក់ព័ន្ធករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន ។
យោងតាមរបាយការណ៍របស់សមត្ថកិច្ចនគរបាលខេត្ត បានឱ្យដឹងថា កាលពីវេលាម៉ោង ១០យប់ថ្ងៃទី១៦ ខែមិថុនា ឆ្នាំ២០២២ កម្លាំងការិយាល័យប្រឆាំងគ្រឿងញៀន បានចូលរួមសហការជាមួយកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកប្រាសាទបាគង ចុះបង្ក្រាបករណី រក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចលើដងផ្លូវស្ថិតនៅភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប ។
ក្នុងប្រតិបត្តិការខាងលើ កម្លាំងសមត្ថកិច្ចបានស្រាវជ្រាវឃាត់ខ្លួនជនសង្ស័យប្រុស-ស្រីពាក់ព័ន្ធនឹងករណីនេះចំនួន៦នាក់ជាបន្តបន្ទាប់ ។ ក្នុងនោះដកហូតវត្ថុតាងម្សៅសង្ស័យជាសារធាតុញៀន ចំនួន១៤កញ្ចប់ ជញ្ជីងថ្លឹងគ្រឿងញៀនចំនួន០១គ្រឿង ឧបករណ៍ប្រើប្រាស់និងសម្ភារៈវេចខ្ចប់មួយចំនួន និងទូរស័ព្ទដៃចំនួន១០គ្រឿង ៕
ដោយ៖អារុណរះ
