សារព័ត៌មាន នគរវត្ត តែងតែនាំមុខគេជានិច្ច
ក្លិប Brighton បានចុះហត្ថលេខាលើអ្នកចាំទីជម្រើសជាតិហូឡង់អាយុក្រោម២១ឆ្នាំកីឡាករ Bart Verbruggen ពីក្លិប Anderlecht ក្នុងតម្លៃ ១៦.៣លានផោន។ កីឡាករសញ្ជាតិហូឡង់វ័យ២០ឆ្នាំរូបនេះបានចុះកិច្ចសន្យារយៈពេល៥ឆ្នាំរហូតដល់ខែមិថុនា ឆ្នាំ២០២៨។
Verbruggen បានចាប់ផ្តើមរដូវកាលមុនលេងឱ្យក្រុមបម្រុងរបស់ក្រុមAnderlecht ប៉ុន្តែបានបញ្ចប់យុទ្ធនាការនេះក្នុងនាមជាលេខមួយរបស់ពួកគេ។ គាត់ត្រូវបានគេដាក់ឈ្មោះថា ជាកីឡាករឆ្នើមប្រចាំរដូវកាល២០២២–២០២៣ របស់ក្លិបបែលហ្ស៊ិកមួយនេះ ហើយបានទទួលការកោះហៅជាលើកដំបូងរបស់គាត់ទៅកាន់ក្រុមជាន់ខ្ពស់របស់ប្រទេសហូឡង់ក្នុងខែមីនាឆ្នាំនេះ។
អ្នកចាំទី Verburggen ក្លាយជាកីឡាករសំខាន់ទី៤របស់ Brighton នៅរដូវក្តៅនេះ បន្ទាប់ពីខ្សែប្រយុទ្ធប្រេស៊ីល Joao Pedro មកពី Watford, James Milner របស់ Liverpool និងខ្សែបម្រើអាល្លឺម៉ង់ Mahmoud Dahoud មកពី Borussia Dortmund ។
ក្រុម Brighton បានបាត់បង់ម្ចាស់ជើងឯក World Cup របស់អាហ្សង់ទីន Alexis Mac Allister ទៅឱ្យ Liverpool ខណៈដែលខ្សែបម្រើការពារអេក្វាឌ័រ Moises Caicedo ត្រូវបានផ្សារភ្ជាប់យ៉ាងខ្លាំងជាមួយនឹងការចាកចេញពីកីឡដ្ឋាន Amex។
លោក Roberto De Zerbi គ្រូបង្វឹកក្រុម Brighton បាននិយាយថា “ខ្ញុំពិតជារីករាយណាស់ដែលបានចុះហត្ថលេខាលើ Bart។ គាត់ធ្លាប់លេងបាល់ទាត់ប្រភេទស្រដៀងនឹងពួកយើង ហើយគាត់នឹងមិនមានបញ្ហាក្នុងការលេងជាមួយក្រុមរបស់យើងទេ។ គាត់មានសក្តានុពលក្នុងការក្លាយជាកីឡាករដ៏សំខាន់សម្រាប់ក្លិបក្នុងរយៈពេលប៉ុន្មានឆ្នាំខាងមុខនេះ”។
Verbruggen ដែលបានបង្ហាញខ្លួនឱ្យហូឡង់ក្នុងព្រឹត្តិការណ៍ U21 Euros នៅប្រទេសរ៉ូម៉ានី និងហ្សកហ្ស៊ី បានបង្ហាញខ្លួនចូលទៅក្នុងក្រុមឈុតធំដំបូងនៅ Anderlecht ក្នុងខែធ្នូ ដោយបានបង្ហាញខ្លួន១៧ប្រកួតនៅ Belgian Pro League ។
អ្នកចាំទីរូបនេះបានចាប់ផ្តើមអាជីពរបស់គាត់នៅ NAC Breda ក្នុងប្រទេសហូឡង់ មុនពេលបញ្ចប់ការផ្ទេរទៅ Anderlecht ក្នុងតម្លៃ៣០០,០០០អឺរ៉ូក្នុងឆ្នាំ២០២០។
គាត់បានជួយពួកគេឱ្យឈានដល់ចំណាត់ថ្នាក់លេខ១១ក្នុងលីគ និងវគ្គ១/៤ផ្តាច់ព្រ័ត្រនៃក្របខ័ណ្ឌ Europa Conference League ជាកន្លែងដែលពួកគេបានចាញ់ដោយបាល់ប៉េណាល់ទីលើក្រុមហូឡង់ AZ Alkmaar។Verbruggen ប្រាកដជាកីឡាករដែលបន្ថែមដ៏គួរឱ្យរំភើបសម្រាប់ Brighton។ ដូចការចុះហត្ថលេខាជាច្រើនដែរ គាត់គឺជាកីឡាករម្នាក់សម្រាប់អនាគត ប៉ុន្តែគាត់អាចបង្ហាញខ្លួននៅរដូវកាលក្រោយក្នុងនាមជាអ្នកសិក្សា ឬប្រកួតប្រជែងសម្រាប់ Jason Steele។ កីឡាករវ័យ២២ឆ្នាំរូបនេះធ្វើដំណើរទៅកាន់កីឡដ្ឋាន Amex បន្ទាប់ពីការប្រកួតជើងឯកទ្វីបអឺរ៉ុបដ៏គួរឱ្យចាប់អារម្មណ៍ជាមួយនឹងក្រុមអាយុក្រោម២១ឆ្នាំរបស់ហូឡង់ ប៉ុន្តែ Brighton បានក្លាយជាក្លិបដែលទាក់ទាញបំផុត។
សមត្ថភាពរបស់គាត់ជាមួយនឹងបាល់នៅជើងរបស់គាត់គឺជាការប៉ិនប្រសប់ដ៏សំខាន់មួយដែលមានន័យថា គាត់គួរតែសមនឹងរបៀបដែលគ្រូបង្វឹកលោក De Zerbi ចង់លេង។ ទោះជាយ៉ាងណាក៏ដោយ ការមកដល់របស់គាត់បង្កើនភាពមិនច្បាស់លាស់ជុំវិញអនាគតរបស់ Robert Sanchez ដែលបានបាត់បង់តំណែងរបស់គាត់ទៅ Steele ក្នុងរដូវកាលមុន។
ក្លិបបានតាមដានស្ថានភាពរបស់កីឡាករអេស្ប៉ាញ ហើយការចុះហត្ថលេខាលើ Verbruggen បង្កើនលទ្ធភាពដែលគាត់បានលេងការប្រកួតចុងក្រោយរបស់គាត់សម្រាប់ Brighton ៕
ដោយ៖ ភារៈ(រូបភាព ៖ BBC Sport)
