នាវាផ្ទុកយន្តហោះតែមួយគត់របស់រុស្ស៊ីបានចាប់ផ្តើមប្រតិបត្តិការឡើងវិញ ក្រោយ៦ឆ្នាំជួសជុល

ចែករំលែក៖

បន្ទាប់ពីដំណើរការជួសជុល និងធ្វើឱ្យប្រសើរឡើងរយៈពេល៦ឆ្នាំ នាវាផ្ទុកយន្តហោះ Admiral Kuznetsov នឹងចាប់ផ្តើមការសាកល្បងនៅសមុទ្រចាប់ពីដើមឆ្នាំក្រោយ ហើយដាក់ដំណើរការឡើងវិញនៅចុងឆ្នាំ 2024។
កាលពីថ្ងៃទី ៤ ខែកក្កដា ទីភ្នាក់ងារសារព័ត៌មានរុស្ស៊ី TASS ដែលដកស្រង់ប្រភពនៅក្នុងឧស្សាហកម្មផលិតកប៉ាល់ បាននិយាយថា នាវាផ្ទុកយន្តហោះតែមួយគត់របស់ប្រទេសគឺ Admiral Kuznetsov អាចត្រូវបានដាក់ឱ្យដំណើរការឡើងវិញនៅចុងឆ្នាំ 2024 ។
តាមផែនការ ការសាកល្បងកម្រិតទឹកសមុទ្រតាមរោងចក្រនឹងចាប់ផ្តើមនៅដើមឆ្នាំក្រោយ បន្ទាប់មកការសាកល្បងនៅរដូវស្លឹកឈើជ្រុះឆ្នាំ 2024។
ប្រភពបាននិយាយថា “ប្រសិនបើការសាកល្បងត្រូវបានបញ្ចប់ដោយជោគជ័យ កប៉ាល់អាចត្រូវបានបញ្ជូនទៅឱ្យកងទ័ពជើងទឹកនៅចុងឆ្នាំ 2024 ។ ហើយក្នុងករណីមានកំហុសក្នុងដំណើរការសាកល្បង ការដឹកជញ្ជូនពិតជានឹងត្រូវពន្យារពេលរហូតដល់ឆ្នាំ 2025” ។
នាវាផ្ទុកយន្តហោះធុនធ្ងន់ Admiral Kuznetsov ត្រូវបានជួសជុលនៅរោងចក្រជួសជុលកប៉ាល់លេខ 35 អស់រយៈពេល ៦ ឆ្នាំមកហើយ។ ដំណើរការជួសជុលនេះត្រូវបានគេនិយាយថាមានការពន្យារពេលដោយសារតែការពន្យាពេលក្នុងការផ្គត់ផ្គង់ឧបករណ៍ដោយក្រុមហ៊ុនដែលចូលរួម ខណៈដែលតម្រូវការវិនិយោគត្រូវបានកែតម្រូវជាបន្តបន្ទាប់។
យោងតាមប្រភពដដែល បន្ទាប់ពីការជួសជុល និងកែលម្អត្រូវបានបញ្ចប់ អាយុកាលសេវាកម្មរបស់នាវាផ្ទុកយន្តហោះនឹងត្រូវបន្តរហូតដល់ ២០ ឆ្នាំ។
បន្ទាប់ពីធ្វើទំនើបកម្ម នាវានេះអាចផ្ទុកយន្តហោះបានចំនួន ៥០ គ្រឿង។ ក្រៅពីយន្តហោះប្រភេទ Sukhoi Su-33 នាវា Admiral Kuznetsov ក៏ផ្ទុកឧទ្ធម្ភាគចក្រ Kamov Ka-27 និង Kamov Ka-27S សម្រាប់សង្គ្រាមប្រឆាំងនាវាមុជទឹក ការស្វែងរក និងជួយសង្គ្រោះ…៕