សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ កាលពីថ្ងៃទី០៣ ខែកញ្ញាឆ្នាំ២០២៣ វេលាម៉ោង០៩និង៤០នាទី មន្រ្តីប៉ុស្តិ៍នគរបាលរដ្ឋបាលគោកឃ្មុំ បានទទួលបណ្ដឹងពីជនរងគ្រោះឈ្មោះ ស្មាន់ លាងភេទប្រុស អាយុ២៨ឆ្នាំ រស់នៅភូមិកៀនកែស២ ឃុំគោកឃ្មុំ ស្រុកថ្មគោល ប្ដឹងទៅលើជនសង្ស័យមិនស្គាល់អត្តសញ្ញាណបានធ្វើសកម្មភាពផ្លោះរបងផ្ទះចូលលួចយកកុំព្យូទ័រយួរដៃ ឡេបថប និងស្បែកជើងស្បែកចំនួន០១គូររបស់គាត់កាលពីវេលាម៉ោង០១និង៣០នាទីរំលងអធ្រាត្រនាយប់ថ្ងៃទី០២ខែកញ្ញាឆ្នាំ២០២៣ ឈានចូលថ្ងៃទី០៣ខែកញ្ញាឆ្នាំ២០២៣ ទៅហេីយនៅចំណុចផ្ទះរបស់ខ្លួន។
ក្រោយពីទទួលបណ្ដឹងនេះមក ដោយអនុវត្តតាមយោបល់ដឹកនាំរបស់លោក ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងនិងលោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ សេង លុច អធិការនគរបាលស្រុកថ្មគោល បានដឹកនាំកម្លាំងជំនាញរួមជាមួយកម្លាំងប៉ុស្តិ៍នគរបាលរដ្ឋបាលគោកឃ្មុំធ្វើការស្រាវជ្រាវស៊ើបអង្កេតរហូតដល់ថ្ងៃទី៤ខែកញ្ញាឆ្នាំ២០២៣ វេលាម៉ោង០៩និង០០នាទី ទេីបឃាត់ខ្លួនបានជនសង្ស័យចំនួន០២នាក់គឺ៖
១-ឈ្មោះ សន សុថាន ហៅ ឃ្លោកភេទប្រុស អាយុ១៨ឆ្នាំ រស់នៅភូមិកៀនកែស២ ឃុំគោកឃ្មុំ ស្រុកថ្មគោល(ជនដៃដល់)និង២-ឈ្មោះ វុត កវីភេទប្រុស អាយុ ២៥ឆ្នាំរស់នៅភូមិកៀនកែស២ ឃុំគោកឃ្មុំ ស្រុកថ្មគោល(អ្នករួមគំនិត)
ក្នុងនោះសមត្ថកិច្ចដកហូតសំភារៈភស្តុតាងរួមមាន៖
-កុំព្យូទ័រឡេបថប យួរដៃពណ៌ទឹកមាសម៉ាកLAPTOP AZUS ចំនួន០១គ្រឿង
-ស្បែកជើងស្បែកពណ៌ខ្មៅចំនួន០១គូរ
-ម៉ូតូ០១គ្រឿងម៉ាកវីវ៉ាស៊េរី២០០៧ ពាក់ស្លាកលេខភ្នំពេញ1Z-9986
បច្ចុប្បន្នជនសង្ស័យត្រូវបានឃាត់ខ្លួននៅក្នុងអធិការដ្ឋាននគរបាលស្រុកថ្មគោល ដើម្បីរៀបចំសំណុំរឿងចាត់ការតាមនីតិវិធីច្បាប់ រីឯសម្ភារៈដែលរកឃេីញបាន ប្រគល់ជូនម្ចាស់វិញ៕
ដោយ៖ សូរិយា
