សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ លោកវរសេនីយ៍ទោ ម៉ែន រីម អធិការនគរបាលស្រុកសំឡូត បានឱ្យដឹងនៅព្រឹកថ្ងៃសុក្រទី០៨ ខែកញ្ញា ឆ្នាំ២០២៣នេះថា៖ មុខសញ្ញាគ្រឿងញៀនយ៉ាងសកម្ម នៅក្នុងមូលដ្ឋានស្រុកម្នាក់ ត្រូវបានកម្លាំងនគរបាលជំនាញចុះស្រាវជ្រាវរហូតឈានដល់ការបង្រ្កាប និងឃាត់ខ្លួនរួមនិងវត្ថុតាងគ្រឿងញៀនជាក់ស្ដែង។
លោកវរសេនីយ៍ទោ ម៉ែន រីម បានឱ្យដឹងទៀតថា លោកបានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននរគបាលស្រុក កាលពីល្ងាចថ្ងៃទី០៧ ខែកញ្ញាម្សិលមិញនេះ ចុះល្បាតក្នុងភូមិសាស្រ្តត្រង់ចំណុចភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង រហូតឈានដល់ការបង្រ្កាបករណីរក្សាទុកដោយខុសច្បាប់នូវសារធាតុញៀន ឃាត់ខ្លួនជនសង្ស័យឈ្មោះ យ៉ូន វ៉ាន់ថៃ ហៅដូច ភេទប្រុស អាយុ ៣១ឆ្នាំ មានទីលំនៅចំណុច ភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ។
លោកអធិការស្រុក បន្តថា ក្នុងប្រតិបត្តិការនោះវត្ថុតាងចាប់យកបានរួមមាន៖ ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន ០២កូនថង់ ទម្ងន់ ១.២៦ក្រាម(ទាំងសំបក) សង្ស័យមានសារធាតុញៀន។ ម៉ូតូចំនួន០១គ្រឿង ម៉ាកហុងដាCLICK ពណ៌លឿង ផលិតឆ្នាំ២០២០ ដែលមានលេខតួ-ម៉ាស៊ីន MLHJF3511 L5500193 ពាក់ស្លាកលេខបាត់ដំបង 1AI- 4667 ។
បច្ចុប្បន្នជនសង្ស័យ និងវត្ថុតាងខាងលើត្រូវបាននគរបាលស្រុកកសាងសំណុំរឿងបញ្ជូនមកអនុវត្តតាមនីតិវិធីច្បាប់៕
ដោយ៖ អរុណរះ
