សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រដ្ឋាករទឹកស្វ័យតក្រុងភ្នំពេញ នៅរសៀលថ្ងៃទី០៩ ខែកញ្ញា ឆ្នាំ២០២៣នេះ បានចេញសេចក្តីជូនដំណឹងស្តីពីការផ្អាកផ្គត់ផ្គង់ទឹកស្អាតបណ្តោះអាសន្ននៅលើផ្លូវកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
រដ្ឋាករទឹកស្វ័យតក្រុងភ្នំពេញ បានបញ្ជាក់ថា ការផ្អាកផ្គត់ផ្គង់ទឹកស្អាតបណ្តោះអាសន្ននៅលើផ្លូវកោះពេជ្រ សង្កាត់ទន្លេបាសាក់ មានដូចខាងក្រោម៖
– មូលហេតុ៖ ធ្លាយតំណរអ៊ុតបំពង់ចែកចាយទឹកទំហំ ២០០មម។
– ទីតាំង៖ នៅលើផ្លូវកោះពេជ្រ។
– ផ្ទៃសេវាផ្អាកផ្គត់ផ្គង់ទឹកបណ្តោះអាសន្ន៖ លើផ្លូវកោះពេជ្រ ចាប់ពីផ្លូវស្ពានហង្ស ដល់ ផ្លូវស្ពានឥន្ធនូ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
– រយៈពេល៖ នៅថ្ងៃសៅរ ទី៩ ខែកញ្ញា ឆ្នាំ២០២៣ ចាប់ពីម៉ោង ១៣ និង១០នាទីរសៀល រហូតដល់បញ្ចប់ការជួសជុល។
ដូច្នេះសូមអតិថិជនករុណាមេត្តាអធ្យាស្រ័យដោយក្តីអនុគ្រោះសូមអគុណ៕
ដោយ៖ សហការី
