សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មុខសញ្ញាគ្រឿងញៀននៅក្រុងព្រះសីហនុ ០៤នាក់ ត្រូវបានកម្លាំងនគរបាលជំនាញចុះស្រាវជ្រាវរហូតឈានដល់ការបង្រ្កាប និងឃាត់ខ្លួនរួមនឹងវត្ថុតាងជាក់ស្ដែង យកមកសាកសួរបញ្ចប់នីតិវិធីនៅព្រឹកថ្ងៃសៅរ៍ទី០៩ ខែកញ្ញា ឆ្នាំ២០២៣នេះ រួចបង្ហាញមុខជាសាធារណៈ និងត្រៀមខ្លួនបញ្ជូនទៅកាន់សាលាដំបូងខេត្ត ដើម្បីចាត់ការតាមច្បាប់។
សូមជម្រាបជូនថា ដោយមានការដឹកនាំបញ្ជាពីសំណាក់លោកឧត្តមសេនីយ៍ឯក ស រដ្ឋា អគ្គស្នងការរងនគរបាលជាតិ និងជាស្នងការនគរបាលខេត្តព្រះសីហនុ កម្លាំងអធិការដ្ឋាននគរបាលក្រុងព្រះសីហនុបានសហកាជាមួយនឹងកម្លាំងប៉ុស្តិ៍នគរបាលរដ្ឋបាលសង្កាត់លេខ៣ កាលពីថ្ងៃទី០៧ ខែកញ្ញា ឆ្នាំ២០២៣ថ្មីៗនេះ បានធ្វេីការឃាត់ខ្លួនជនសង្ស័យចំនួន០៤នាក់ ពាក់ពន្ធ័ករណីគ្រឿងញៀននៅចំណុចផ្លួវរទេះភ្លេីង ក្រុម០១ ភូមិ០៣ សង្កាត់០៣ ក្រុង-ខេត្តព្រះសីហនុ ។
ជនសង្ស័យទាំង០៤នាក់មានឈ្មោះ ៖
*១-ឈ្មោះ អុិត សុខចាន់ ភេទប្រុស ឆ្នាំកំណេីត ១៩៨៤ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្នភូមិ០៣ សង្កាត់០៣ ក្រុង-ខេត្តព្រះសីហនុ ស្រុកកំណេីត ស្រុកគីរីវង្ស ខេត្តតាកែវ ។
*២-ជនសង្ស័យឈ្មោះ វន ចំរេីន ភេទប្រុស ឆ្នាំកំណេីត ១៩៩៩ ជនជាតិខ្មែរ មុខរបរ ជាងដែក ទីលំនៅបច្ចុប្បន្ន ភូមិ០៤ សង្កាត់០៤ ក្រុង-ខេត្តព្រះសីហនុ ស្រុកកំណេីត ភូមិអណ្តូងពោរណ៍ ស្រុកតាំងគោក ខេត្តកំពង់ធំ ។
*៣-ឈ្មោះ ខេន សុខា ភេទប្រុស ឆ្នាំកំណេីត ១៩៩៤ ជនជាតិខ្មែរ មុខរបរ ជាងដែក ទីលំនៅបច្ចុប្បន្ន ភូមិ០៤ សង្កាត់០៤ ក្រុង-ខេត្តព្រះសីហនុ ស្រុកកំណេីត ភូមិអណ្តូងពោរណ៍ ស្រុកតាំងគោក ខេត្តកំពង់ធំ ។
*៤-ឈ្មោះ ជាង សុខលីន ភេទប្រុស ឆ្នាំកំណេីត ២០០៥ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិ០៣ សង្កាត់០៣ ក្រុង-ខេត្តព្រះសីហនុ ស្រុកកំណេីត ខេត្តកំពង់ឆ្នាំង ។
ចំណែកវត្ថុតាងរួមមាន៖ ម្សៅក្រាមពណ៍សថ្លាសង្ស័យ សារធាតុញៀនចំនួន ០៤ កញ្ចប់។
បច្ចុប្បន្នជនសង្ស័យខាងលេីនេះ ត្រូវបានកម្លាំងនគរបាលជំនាញ នៅព្រឹកថ្ងៃសៅរ៍ទី០៩ ខែកញ្ញានេះ កសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការតាមច្បាប់៕
ដោយ៖ សហការី
