សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ លោក ស៊ូ ម៉ុល អភិបាលស្រុករមាសហែក និងក្រុមការងារនាព្រឹក ថ្ងៃទី២៦ខែមិថុនា ឆ្នាំ២០២៤នេះ បានចុះ ពិនិត្យស្ថានភាពដង្កូវហ្វូង បំផ្លាញដំណាំស្រូវ របស់កសិករ នៅឃុំចំនួន២ ក្នុងស្រុករមាសហែក។
ការចុះពិនិត្យស្ថានភាពដង្កូវហ្វូង បំផ្លាញដំណាំស្រូវ របស់កសិករ ហើយលោកអភិបាលស្រុក ក៏បាន ប្រជុំផ្សព្វផ្សាយណែនាំពីវិធានការការពារនិងកំចាត់ពពួកដង្កូវហ្វូង នៅឃុំត្រស់ និងឃុំអំពិល ស្រុករមាសហែកផងដែរ។
សូមបញ្ជាក់ថា វត្តមានដង្កូវទាំងនេះ គឺកើតឡើង ដោយសារលក្ខខណ្ឌអាកាសធាតុក្ដៅ រាំងស្ងួត ដែលបានអូសបន្លាយ ទើបបង្កភាពសមស្របដល់ការកកើត នៃពួកហ្វូងដង្កូវនេះ។
បើតាមក្រសួងកសិកម្ម ដង្កូវទាំងនោះ គឺកើតចេញពីប្រភេទមេអំបៅរាត្រីចរ (Fall armyworm-Spodoptera frugiperda) ច្រើនធ្វើដំណើរនៅពេលយប់។ ពងរបស់វាមានពណ៌សក្នុងដំណាក់កាលដំបូង និងប្រែទៅជាពណ៌លឿង នៅពេលជិតញាស់។ មេអំបៅប្រភេទនេះពងជាកញ្ចុំ មានចំនួនពី ១០០ ទៅ ២០០ពង នៅលើផ្ទៃស្លឹក ដោយមានរោមសំឡីពាសការពារពីលើ ៕
ដោយ៖ សុថាន
