សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អធិការដ្ឋាននគរបាលខណ្ឌ ៧មករា បានចុះស្រាវជ្រាវរហូតឈានដល់ការឃាត់ខ្លួនជនសង្ស័យម្នាក់ បន្ទាប់ពីធ្វើសកម្មភាពលួចនាឡិកាទឹក របស់រដ្ឋាករទឹកស្វយ័ត ក្នុងមូលដ្ឋានខណ្ឌ៧មករា យកមកសាកសួរ ដេីម្បីចាត់ការតាមច្បាប់។
ជាក់ស្ដែងកម្លាំងប៉ុស្តិ៍នគរបាលរដ្ឋបាលមិត្តភាព នៅថ្ងៃទី០៩ ខែកញ្ញាម្សិលមិញនេះ បានឃាត់ខ្លួនជនសង្ស័យម្នាក់ នៅចំណុចមុខផ្ទះលេខ៣៧៦អឺ០ ផ្លូវលេខ១២៨ សង្កាត់មិត្តភាព ខណ្ឌ៧មករា ពាក់ព័ន្ធករណីលួចនាឡិកាទឹក ប្រព្រឹត្តល្មើសនៅចំណុចមុខផ្ទះលេខ៣៧២អឺ០ ផ្លូវលេខ១២៨ សង្កាត់មិត្តភាព ខណ្ឌ៧មករា ថ្ងៃទី០៨ ខែកញ្ញា ឆ្នាំ២០២៤។
ជនសង្ស័យឈ្មោះ ឌឹប បឿន ហៅ ត្រេន ភេទប្រុស ជនជាតិខ្មែរ មុខរបរមិនពិតប្រាកដ ទីលំនៅស្នាក់នៅមិនពិតប្រាកដ (មានសារធាតុញៀន)។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
ដោយ៖ អរុណរះ
