សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលខណ្ឌទួលគោក សហការជាមួយនគរបាលខណ្ឌកងអន្តរាគមន៍ពិសេស និងផ្នែកព្រហ្មទណ្ឌកំរិតធ្ងន់ បានឃាត់ខ្លួនជនសង្ស័យម្នាក់ពីបទជួញដូរគ្រឿងញៀនខុសច្បាប់ កាលពីថ្ងៃទី១៤ ខែសីហា ឆ្នាំ២០១៦ នៅវេលាម៉ោង៩និង៤០នាទីយប់ ស្ថិតនៅចំណុចផ្លូវរថភ្លើង ក្រុមទី១០៩ ភូមិ២៣ សង្កាត់បឹងកក់ទី២ ខណ្ឌទួលគោក ។
ជនសង្ស័យ ឈ្មោះ អាត សំណាង ភេទប្រស អាយុ២៤ឆ្នាំ មុខរបរមិនពិតប្រាកដ ស្នាក់នៅ ផ្លូវរថភ្លើង សង្កាត់ស្រះចក ខណ្ឌដូនពេញ ។
វត្ថុតាងចាប់យកមាន:ក្រាមសណ៌ថ្លា សង្ស័យជាសារជាតិញៀនចំនួន៧ថង់តូច ។
មន្រ្តីនគរបាលព្រហ្មទណ្ឌខណ្ឌទួលគោក បានឲ្យដឹងថា នៅមុនពេលឃាត់ខ្លួនជនសង្ស័យខាងលើនេះ គឺកម្លាំងបានជិះល្បាតការពារសុវត្តិភាពជូនពលរដ្ឋក្នុងមូលដ្ឋាន លុះជិះមកដល់ចំណុចកើតហេតុ ស្រាប់តែឃើញឈ្មោះ អាត សំណាង ក៏ឃាត់ខ្លួននិងឆែកឆេររកឃើញថ្នាំញៀនជាក់ស្តែងចំនួន៧កញ្ចប់តូច ។ ក្រោយឃាត់ខ្លួនរួច ជនសង្ស័យបានឆ្លើយសារភាពថា:ខ្លួនពិតជាបានលាក់ទុកគ្រឿងញៀនទាំង៧ថង់តូចពិតប្រាកដមែន ។
បច្ចុប្បន្នជនសង្ស័យរួមទាំងវត្ថុតាំង ត្រូវបានឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌទួលគោកដើម្បីកសាងសំណុំរឿងបញ្ជូនទៅសាលាដំបូងរាជធានីចាត់ការតាមច្បាប់ ៕ ស ដារ៉ា
