សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ ប្រជាពលរដ្ឋ ដែលធ្វើដំណើរតាមដងផ្លូវចុះពីស្ពានជ្រោយចង្វា មកដល់រង្វង់មូលកួចកាណុង បានរអ៊ូរទាំថា ក្រុមអ្នករត់ម៉ូតូឌុប ដេញចាប់ម៉ូយពីរថយន្តតាក់ស៊ី កំពុងតែធ្វើឲ្យមានភាពរញ៉េរញ៉ៃពេញផ្លូវសាធារណ: ដូចជាគ្មាន សណ្តាប់ធ្នាប់ និងសុវត្ថិភាពសោះនៅតាមផ្លូវនេះ ដែលស្ថិតក្នងសង្កាត់ស្រះចក ខណ្ឌដូនពេញ រាជធានីភ្នំពេញ ។
សកម្មភាពនេះ ពេលឃើញមានរថយន្តតាក់ស៊ីបើកចុះពីស្ពានជ្រោយចង្វា ឬក៏មកតាមផ្លូវជាតិលេខ៥ យើងនឹងបានឃើញក្រុមអ្នករត់ម៉ូតូឌុប និងម៉ូតូរ៉ឺម៉កកង់បី ដេញចាប់ម៉ូយរត់ទាំងហ្វូងដេញតាមរថយន្តតាក់ស៊ី ដើម្បីចាប់អ្នកដំណើរដែលនៅលើរថយន្តមកឲ្យជិះម៉ូតូខ្លួនយ៉ាងប្រសាចពេញផ្លូវ ដែលពេលខ្លះអាចបង្កឲ្យមានគ្រោះថ្នាក់ដោយសារតែរត់ពេញផ្លូវបែបនេះ ។
ប្រជាពលរដ្ឋអ្នកធ្វើដំណើរតាមរថយន្តឈ្នួល ក៏ដូចជាអ្នកដំណើរតាមផ្លូវ សូមអាជ្ញាធរខណ្ឌដូនពេញ មេត្តាចុះជួយមើលក្រុមអ្នកចាប់ម៉ូយទាំងនោះ ដើម្បីការពារនៅសុវត្ថិភាព ពួកគាត់ផង ហើយគួរតែមានបេនរថយន្ត ឬម៉ូតូសំរាប់អ្នកប្រកបរបរដូចជាពួកគេ ព្រមទាំងរៀបចំសណ្តាប់ធ្នាប់នៅតាមដងផ្លូវនេះដែរ ៕ ជ្រោយពេជ្រ
សូមចុចអានបន្តទៀត ៖ គាស់ទ្វារផ្ទះលួចចំទូរស័ព្ទដាក់ប្រព័ន្ធ GPS ម្ចាស់តាមរកឃើញប្តឹងសមត្ថកិច្ចឲ្យចាប់
