សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រោះថ្នាក់ចរាចរណ៍មួយបង្កឡើងដោយសារតែរថយន្តកូរ៉ូឡាមួយគ្រឿងបើកក្នុងល្បឿនលឿនដល់ចំណុចផ្លូវកោង រេចង្កូតទៅបុកនិងខឿនទ្រូងផ្លូវហើយបន្តទៅបុកចូលផ្ទះប្រជាពលរដ្ឋបណ្តាលឲ្យខូចខាតយ៉ាងដំណំបន្ទាប់ពីរថយន្តបែកកង់មុខ។
ហេតុការណ៍នេះបាបង្កឲ្យភ្ញាក់ផ្អើល កាលពីវេលាម៉ោង២និង៥០នាទីរំលង អធ្រាត្រ ឈានចូលថ្ងៃទី១៩ ខែសីហា ឆ្នាំ២០១៦ នៅចំណុចភូមិជ្រៃកោងផ្លូវវេង ស្រេង សង្កាត់ចោមចៅ ខណ្ឌពោធិ៍សែន ជ័យ រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យ ដឹងថា នៅមុនពេលកើតហេតុគេបានឃើញ រថយន្តកូរ៉ូឡាមួយគ្រឿង ពណ៌ក្រហមមិន ស្គាល់ស្លាកលេខ ព្រោះត្រូវបានម្ចាស់ដោះលាក់ទុកក្រោយបង្កគ្រោះថ្នាក់ដែលបើកបរដោយបុរសមិនស្គាល់ឈ្មោះម្នាក់និងមាន មនុស្សមនុស្សប្រុស-ស្រី២នាក់ទៀតរួម ដំណើរជាមួយធ្វើដំណើរតាមបណ្តោយផ្លូវ វេងស្រេងក្នុងទិសដៅពីកើតទៅលិច។ ខណៈ មកដល់ចំណុចកើតហេតុដោយស្ថានភាព ផ្លូវកោងអ្នកបើកបមិនប្រយ័ត្នក៏រេចង្កូតទៅ បុកខឿនទ្រូងផ្លូវហើយបានបត់ចង្កូតមកស្តាំវិញក៏បន្តទៅបុកចូលផ្ទះប្រជាពលរដ្ឋមួយ កន្លែងទៀតបណ្តាលឲ្យបាក់សំយាបផ្ទះខូចខាតយ៉ាងដំណំ តែសំណាងមិនបណ្តាលឲ្យ មនុស្សរងរបួសនោះទេទាំងម្ចាស់ផ្ទះនិងអ្នកជិះក្នុងរថយន្ត។
ក្រោយពេលកើតហេតុម្ចាស់រថយន្តបានធ្វើការសម្របសម្រួលទៅម្ចាស់ផ្ទះចេញថ្លៃ ខូចខាតដើម្បីបញ្ចប់រឿងដោយមិនរំខាន ដល់សមត្ថកិច្ចមូលដ្ឋានឡើយ៕ សុខាសែនជ័យ
