សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់សង្ស័យស្រវឹងបានបើករថយន្តក្នុងល្បឿនលឿនដល់ផ្លូវកោងបត់មិនទាន់បុករះចូលកន្លែងលក់គ្រឿងសមុទ្របណ្ដាលឲ្យខូចខាតរថយន្តមួយគ្រឿងទៀត។
ហេតុការណ៍នេះបានកេីតឡេីងនៅវេលាម៉ោង១២យប់រំលងអធ្រាត្រឈានចូល ថ្ងៃទី០២ ខែវិច្ឆិកា ឆ្នាំ២០២៤ ស្ថិតតាមបណ្ដោយផ្លូវ២៧១ សង្កាត់អូរបែកក្អម ខណ្ឌសែនសុខ រាជធានីភ្នំពេញ។
បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាក LAND CRUISER ពណ៌ក្រហម ពាក់ផ្លាកលេខ ភ្នំពេញ 2E-6941 បើកបរដោយបុរសម្នាក់វ័យប្រហែល៥០ឆ្នាំជាង តែម្នាក់ឯងក្នុងទិសដៅពីជើងមកត្បូងក្នុងល្បឿនលឿនលុះមកដល់ចំណុចកើតហេតុផ្លូវកោង បួងចង្កូតមិនទាន់បានជ្រុលទៅបុករថយន្ដ Fortuner ពណ៌ស ពាក់ផ្លាកលេខ ភ្នំពេញ 2BB-9956 ដែលចដែលចតចោលមុខផ្ទះរួចរថយន្តមិនទាន់អស់ល្បឿនក៏ជ្រុលបុកចូលហាងលក់គ្រឿងសមុទ្របន្ថែមបណ្ដាលឲ្យរងការខូចខាត។
បើតាមការបញ្ចាក់ពីម្ចាស់ហាងបានឲ្យដឹងថា បុរសខាងលើដែលបើករថយន្តបុករះខាងលើនេះ ពេលបង្កគ្រោះចរាចរណ៍រួចត្រូវបានបុគ្គលិកនឹងអ្នកធើ្វដំណើរជួយឃាត់ប្រគល់ជូនសមត្ថកិច្ច ដោយពេលចុះពីលើរថយន្តមានក្លិនស្រា ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌសែនសុខចុះមកធ្វើការវាស់វែងយករថយន្តទៅរក្សាទុករង់ចាំការដោះស្រាយនៅពេលក្រោយ ៕
ដោយ៖ សុខា សែនជ័យ
